O'zbekiston respublikasi oliy va o'rta maxsus ta'lim vazirligi toshkent temir yo'l muhandislari instituti

4.1. Mikroiqlim va uning kattaliklari haqida tushunchalar.

4.2. Mikroiqlimni aniqlashda ishlatiladigan o’lchov priborlari.

4.3. Ishlab chiqarish tsexlari havosini maqbul holatini diagramma orqali aniqlash.

4.4. Termoregulyatsiya haqida.

4.5. Ishlab chiqarish sexlarini shamollatish.

4.6. Ishlab chiqarish sexlarini isitish. Ularning afzalliklari va kamchiliklari.

4.7. Zararli chiqindilarni so‘rib olish.

4.8. Havoni changdan tozalash.

Tayanch so‘z va iboralar:

Shamollatish, tozalik, mikroiqlim, mo‘tadillash, tabiiy, mexanik, aralash,havo beruvchi, havoni so‘rib oluvchi, aavariya holati, aerasiya, deflektor, filtr, kalorifer, ventilyator, yelvizak, ejektor, diffuzor, mahalliy, markazlashgan, rayonlashgan, sistema, zont, kapsullash, gardish, aspiratsiya, bosim, skrubber, engli filtr, elektrofiltr.

4.1. Mikroiqlim va uning kattaliklari haqida tushunchalar.
Sexlardagi mikroiqlim yoki meteorologik sharoitlar quyidagi kattaliklar bilan harakterlanadi.

• 
  havoning harorati- t(^oS; K);
  
• 
  nisbiy namlik - φ (%);
  
• 
  ish joyidagi havoning harakat tezligi- v (m/s);
  
• 
  atmosfera bosimi- P (Pa, mm.simob ustuni).
  

Odamning normal hayoti odatda 734-1267 Pa (550-950 mm. simob ust.) bosim diapazonida kechadi.

Odam doimo atrof- muhit bilan haroratning o’zaro ta`siri ostida bo’ladi. Organizmdagi fiziologik jarayonlar normal kechishi uchun, uning ortiqcha issiqligi atrof-muhitga berib turilishi kerak. Organizmdan ajralib chiqayotgan issiqlik bilan atrof- muhitning sovuta olish xususiyatining mutanosibligi eng qulay sharoit (komfort) hosil qiladi. Komfort sharoitida kishini bezovta qiluvchi organizmning qizib yoki sovub ketishi kuzatilmaydi.

Ma`lum ish bajarish vaqtida normal harorat hissiyoti issiqlik balansi tufayli ta`minlanadi.