O'zbekiston Respublikasi Oliy va o’rta-maxsus ta’lim Vazirligi Toshkent Davlat stomatologiya institute Buxoro filiali

O’pkada bo’shliq sindromi hosil bo’lishi.
Buning asosiy sababi o’pka abtsesi, o’pka exinokokki, tuberkulyoz 
kavernasi, o’pka raki parchalangandan so’ng hosil bo’ladi. Bo’shliq 
suyuqlikdan xoli bo’lgandan so’ng bo’shliq bronxlar bilan tutashsa 
atrofida yallig’lanishli valik hosil bo’ladi. Bemorlar ko’zdan 
kechirilganda kasal ko’krak qafasi nafas olish aktida orqada qoladi. 
Ovoz drillashi kuchaygan. Perkussiyada bo’g’iq-timpanik, bo’shliq katta 
bo’lsa timpanik tovush bazan metalsimon tovushdek eshitiladi. 
Auskultatsiyada amforik nafas, bazan o’rta va yirik pufakchali nam 
xrillashlar, suyuqlik ko’proq bolsa tomchi tomish shovqini eshitiladi. 
Bronxofoniya kuchaygan. 
Plevra bo’shlig’ida va ko’krak qafasida havo to’planish 
sindromi. 
Sabablari o’pka va bronxlarni tuberkulyoz kavernasi tufayli yoki 
o’pka raki parchalanishi tufayli plevra bo’shlig’i bilan muloqotda 
bo’lishi natijasida yoki ko’krak qafasi travmalari spontan pnevmotoraks 

---

101 
sodir bo’lishi, o’pka exinokokki yorilishi natijasida vujudga keladi. 
Bemorlarni ko’krak qafasida kuchli og’riq, nafas yetishmovchiligi, 
hansirash kabi simptomlar bezovta qilib, ularni vahima bosadi. Bu 
bemorlarda kasal tomonga havo to’planishi munosabati bilan ko’krak 
qafasi assimetriyasini va nafas olish aktida ishtirokini cheklanishini 
ko’rish mumkin. Bemorlarda periferik tsianoz ko’rish mumkin. Palpator 
ovoz drillashi sekinlashgan va perkutor timpanik tovush eshitiladi 
hamda auskultatsiyada nafas va bronxofoniya susaygan. Rentgenologik 
o’pka rasmi ko’rinmaydi va o’pka maydoni yorug’ bo’ladi, ko’ks 
oralig’i organlari teskari tomonga siljiydi. Davolash kasal tomondan III 
qovurg’a ostidan va IV qovurg’a ustidan punktsiya qilinadi va havo 
tortib olinib asosiy kasallik davolanadi.