O‘zbekiston respublikasi oliy va o‘rta maxsus ta’lim vazirligi toshkent davlat iqtisodiyot universiteti q. X. Abdurahmonov, sh. R. Xolmo‘minov

 
 
 
 

---

10 
I BOB. “PERSONALNI BOSHQARISH” FANINING 
MOHIYATI VA VAZIFALARI 
 
1.1.
 
Personalni boshqarish fan sifatida 
 
Iqtisodiyotni modernizatsiyalash sharoitida korxonalar yuqori 
samara bilan faoliyat ko‘rsatishi, muvaffaqiyatli raqobat qila olishi 
fanda “Personal“ atamasi bilan nomlanadigan mehnat jamoasining 
tarkibi, malakasi, salohiyati, ijodiy izlanishi, mas’uliyati kabi juda 
ko‘pgina sifatlari hal qiluvchi ahamiyat kasb etishi amaliy isbotini 
topgan. Bugungi kunga kelib mazkur masalalar bilan maxsus 
shug‘ullanuvchi “Personalni boshqarish” fani tobora rivojlanib 
bormoqda. 
G‘arb davlatlarida bozor iqtisodiyoti sharoitlarida “Personalni 
boshqarish” ko‘proq 
“menejment” 
atamasi bilan nomlanadi. 
Menejment 
(inglizcha 
“management”
so‘zidan) 
– 
bozor 
iqtisodiyoti sharoitlarida iqtisodiy boshqaruv tamoyillari, funksiya va 
uslublarini qo‘llagan holda moddiy va mehnat resurslaridan oqilona 
foydalanish hisobiga belgilangan maqsadlarga erishish uchun amalga 
oshiriladigan boshqaruv faoliyatidir. 
Menejment aslida “boshqaruv” so‘zining sinonimi hisoblanib, 
asosan bozor iqtisodiyoti sharoitlarida faoliyat ko‘rsatayotgan 
korxonalarda ijtimoiy-iqtisodiy jarayonlarni boshqarishni anglatadi. 
Menejment deyilganda quyidagi ma’nolar anglanadi: 
1. Korxonaning boshqaruv xodimlari boshqaruv apparati sifatida. 
2.
Boshqaruv apparati korxonada bajaradigan funksiyalar. 
3. Menejment korxonani ilmiy asosda boshqarish sifatida.
Menejment funksiyalari tizimida personalni boshqarish vazifalari 
qanday o‘ringa egaligi eng muhim masaladir. Menejment funksiya-
laridan personalni boshqarish funksiyalari farqlanadi.