O‘zbekiston respublikasi oliy va o‘rta maxsus ta’lim vazirligi toshkent arxitektura qurilish instituti

 
 
 
 
 
 
 

---

55 
III-BOB 
QURILISH MAYDONINING MUHANDISLIK 
TAYYORGARLIGI 
3.1. Umumiy qoidalar 
Binolar va inshootlar qurilishining muhim bosqichlaridan biri qurilish ishlab 
chiqarishni tayyorlashni amalga oshiradigan tayyorgarlik davri hisoblanadi. Bu 
bosqichda qurilish-montaj ishlarini rejali amalga oshirishga va ob’ekt qurilishi 
barcha ishtirokchilarining o‘zaro bog‘liq bo‘lgan faoliyatlariga asos solinadi, bino 
va inshootlarni belgilangan muddatlarda sifatli barpo etish uchun zarur sharoitlar 
yaratiladi va ta’minlanadi. 
Bu davrda qurilishni loyiha-smeta hujjatlari bilan ta’minlash masalalari, 
qurilish uchun maydonni ajratish va biriktirish, ob’ektni unga olib boradigan 
yo‘llar bilan, suv va elektrenergiyasi bilan ta’minlash, bozorni tahlil qilish va 
konstruktsiyalarni, materiallarni hamda jihozlarni yetkazib beruvchilar bilan 
tayyorgarlik muzokaralarini o‘tkazish, pudrat va subpudrat shartnomalarini tuzish, 
ishlarni amalga oshirishga ruxsatnomalar va yo‘l berishlarni rasmiylashtirish 
masalalari hal etiladi. 
Har bir aniq holda tayyorgarlik ishlari tarkibi tabiiy-iqlim sharoitlari, qurilish 
maydonining xususiyatlari, barpo etilayotgan bino va inshootlarning – yangi 
qurilish, kengaytirish, rekonstruktsiya, to‘liq ta’mirlash kabi o‘ziga xos 
xususiyatlari bilan tartibga solinadi. 
Ob’ektni qurishga oid bo‘lgan tayyorgarlik ishlari qurilish maydonidan 
tashqarida va maydon ichida bajariladigan ish turlariga bo‘linadi. 
Maydondan tashqarisida amalga oshiriladigan tayyorgarlik ishlari
quyidagilarni o‘z ichiga oladi: qurilish ob’ektiga olib boradigan yo‘llarni yotqizish, 
elektr uzatish va telefonlashtirish liniyalarini o‘tkazish, suv ta’minoti, kanalizatsiya 
va yomg‘ir suvlari oqiziladigan tarmoqlarni o‘tkazishni, zarur bo‘lganda – 
quruvchilar uchun turar-joy posyolkalari va qurilish hamda montaj 
tashkilotlarining ishlab chiqarish bazalarini qurish. 

---

56