O’zbekiston respublikasi oliy va o’rta maxsus ta’lim vazirligi toshkent axborot texnologiyalari universiteti

Ma’lumotlar tuzilmasini klassifikasiya qilish – ma’lumotlar tuzilmasini bir jinsli guruhlarga ajratish jarayoni.
Dinamik ma’lumotlar tuzilmasi - dastur bajarilishi mobaynida tuzilma elementlari soni va/yoki ular orasidagi munosabatlar o’zgaradi.
Statik ma’lumotlar tuzilmasi - dastur bajarilishi mobaynida tuzilmani tashkil etuvchi elementlar, ular orasidagi munosabatlar o’zgarmaydi.
So’z – bir vaqtning o’zida qayta ishlanishi mumkin bo’lgan minimal sondagi bit.
Ma’lumotlarni standart turlari – barcha dasturlash tillarida aniqlangan, boshqa ixtiyoriy tur shularning ma’lum kombinasiyalari orqali aniqlanadi. Bular
butun, /haqiqiy, mantiqiy, belgili (simvol), ko’rsatkichli turlardir.
Butun tur – bu butun sonlar to’plamini qandaydir qism to’plamini ifodalab, uning qiymatlar sohasi kompyuter konfigurasiyasiga bog’liq ravishda o’zgarib turadi.
Haqiqiy tur – mazkur turga kasr qismlari bor chekli sonlar to’plami kiradi. To’plamni chekli bo’lish sharti kompyuterda sonlarni ifodalash chegaralanganligi bilan bog’liq.
Mantiqiy tur - mazkur tur mantiqiy mulohazalarni to’g’ri yoki noto’g’riliginii aniqlash uchun ishlatilib, ushbu turdagi o’zgaruvchi 2 ta qiymatdan faqatgina bittasini qabul qiladi: 0 (false) yoki 1 (true).
Belgili tur – mazkur tur o’zgaruvchilari belgili qiymatlarni qabul qilishadi, masalan, harflar, raqamlar, matematik belgilar va boshqalar. Ular tartiblangan bo’lib, har biriga ASCII kodida ma’lum bir son mos qo’yiladi.
Ko’rsatkichli tur – bu tur o’zgaruvchilari ma’lumotlarni ko’rsatkichlari yoki manzillari (adres) to’plamini namoyon qiladi, ya’ni ko’rsatkichlar ma’lumotlarni emas balki bu ma’lumotlar joylashgan xotiradagi manzilni o’z ichiga oladi.
Vektor – bu eng sodda statik va chiziqli tartiblangan tuzilma bo’lib, uning elementlari bir turga tegishli hamda operativ xotirada ketma-ket kelgan yacheykalarda joylashadi.