O‘zbekiston respublikasi oliy va o‘rta maxsus ta’lim vazirligi toshkent kimyo-texnologiya instituti

16-MAVZU: KASB-HUNAR KOLLEJLARINI BOSHQARISH VA 
TA`LIM-TARBIYA JARAYONINI NAZORAT QILISH 
Reja: 
1. Ta`lim muassasalarini boshqarish tushunchasi 
2. Ta`lim muassasalarini boshqaruv tuzilmalari; 
3.  Ta`lim  muassasalarini  boshqarishda  rahbarlar  faoliyati  va  rahbarlik 
vazifalarining taqsimlanishi  
 
Boshqaruv  har  qanday  jamiyatga  xos  bo`lgan,  hayot  va  turmush  zaruratidan 
kelib  chiqadigan  faoliyatdir.  Bozor  iqtisodiyoti  sharoitida  bu  faoliyat  mohiyati 
yanada  takomillasha  boradi.  Bundan  ko`zlangan  asosiy  maqsad  mehnat  ahlining 
moddiy va ma`naviy ehtiyojlarini qondirish uchun ishlab chiqarishni va shu asnoda 
barcha ijtimoiy munosabatlarni taraqqiy ettirishdan iborat. Boshqaruv xalq manfaati 
ko`zlangan  holda  demokratik  uslub  negizida  amalga  oshiriladi.  O`z-o`zidan 
ravshanki, bunday boshqaruv jarayonida inson omiliga, xususan, millat manfaati va 
milliy  qadriyatlarni  takomillashtirishga  alohida  e`tibor  qaratiladi.  Zotan, 
jamiyatimiz  rivoji  uchun  boshqaruv  hal  qiluvchi  kuchga  ega  bo`lmog`i  lozim. 
Boshqaruv  –  taraqqiyotning  har  qanday  bosqichida  jamiyatga  xos  bo`lgan  ichki 
xususiyatdir.  Bu  xususiyat  umumiy  xarakterga  ega.  Zotan,  bu  xususiyat  ijtimoiy 
jamoa  mehnatida,  turmush  va  mehnat  jarayonida  kishilarning  o`zaro  aloqada 
bo`lishi, o`z moddiy va ma`naviy faoliyatining mahsulotini almashtirish zaruratidan 
kelib chiqadi. Mehnatning har qanday shakli – ijtimoiy yoki birgalikda qilinadigan 
mehnat –  idora qiluvchiga  ma`lum darajada  muhtojdir. Idora qiluvchi o`z jamoasi 
ishlarini bir-biriga muvofiqlashtiradi. Idora qiluvchi ishlab chiqarish organizmining 
mustaqil  a`zolari  harakatidan  farq  qilib,  butun  organism  harakatidan  kelib 
chiqadigan  umumiy  vazifalarni  bajaradi.  To`g`ri  boshqaruvning  muhim  sharti  – 
boshqaruvchining,  ya`ni  rahbarning  faoliyatidir.  Ma`lumki,  jamiyat