O‘zbekiston respublikasi oliy va o’rta maxsus ta’lim vazirligi toshkent farmatsevtika instituti “tasdiqlandi”

Safro (o‘t) preparatlari.

Turg‘unlashtirilgan tibbiyot safrosi.

Biliarin. So‘yilgan xayvonlarning tabiiy safrosini saqlagan prparatdir. YAngi yig‘ilgan safro yoki yangi yig‘ilgan safro bilan sovutilmagan 3 kun saqlangan safrolar aralashmasi (3:1 nisbatda) suziladi va unga turg‘unlashtiruvchi, antiseptik va essensiyalar aralashmasini qo‘shib, yaxshilab aralashtiriladi, xona xaroratida 3 kunga qoldiriladi va aseptik sharoitda flakonlarga 250 ml dan quyilib, 60—63°S da 1,25—1,5 soat pasterizatsiya qilinadi. Surunkali artrit, spondilloartroz, tendovaginit va boshqa kasalliklarda og‘riq qoldiruvchi vosita sifatida kompress xolida ishlatiladi.

Aminokislotali preparatlar.

Aminopeptid. Kazein, qoramollarning qonidan yoki quruq albumindan olingan aminokislotalar va peptidlar eritmasidir. Organizmda oqsil etishmaganda venaga, teri ostiga yoki zond orqali oshqozonga 1,5—2 l gacha yuboriladi. Flakonlarda 0,25 va 0,5 l dan chiqariladi.

Gidrolizin L-103. Qoramollar qonidagi oqsilni kislotali gidroliz qilib olingan preparat. Avtoklavda 1,2 atm bosimda 30 daqiqa sterillangan gidrolizatning 1 litriga 20 g sterillangan glyu­koza eritmasini qo‘shib, bakterial filtr orqali suzi­ladi. Suyuqlik aseptik sharoitda ampulalarga yoki fla­konlarga 0,25 va 0,5 l dan quyiladi.

Kazein gidrolizati. Kazeinni kislotali gidrolizlab olingan preparati. Tarkibida hamma kerakli aminokislotalar bo‘ladi. Ishlatilishi oldingi preparatlarga o‘xshash.

FERMENTLAR

Tibbiyotda ferment preparatlari keng miqyosda ish­latiladi. Ular tanada kechadagan barcha jarayonlarda ishtirok etadi. Fermentlar ajralishi buzilganda va ularning tanada kechadigan jarayonlarni boshqaruvi iz­dan chiqqanda har xil kasalliklar kelib chiqadi. SHuning uchun mutaxassislar oldiga qo‘yilgan asosiy vazifalardan biri kasallikning kelib chiqishida fermentlarni tutgan o‘rnini va ularning farmakokinetikasi hamda biologik faolligini o‘rganishdan iboratdir. SHuning bilan bir qatorda kelajakda fermentlarning olinish usullari, shu jumladan zamonaviy biotexnologiya usullarini ishlab chiqish muhim ahamiyat kasb etadi.

Qo‘yilgan masalalarni hal etish tibbiyot sanoati tarmog‘ining mikroorganizmlardan ferment olish usulini rivojlantirishga bog‘liqdir.

Bizning sanoatimizda 20 dan ortiq, ferment preparat­lari ishlab chiqariladi.