Oʻzbekiston respublikasi oliy va oʻrta maxsus ta’lim vazirligi toshkent moliya instituti

TAYM-MENEJMENT: VAQTNI BOSHQARISHNING ODDIYGINA 

USULLARI

43

 

Shiddatli  zamonda  yashayapmiz.  Kimga  qarama  ishining  ko’pligidan,  vaqt 

etmayotganidan  shikoyat  qiladi.  Turgan  gapki,  vaqt  etmasligi  samaradorlikka  ta’sir 

etmay  qolmaydi.  Hamma  ishga  ulgurish  uchun  o’zingizni  o’qqa-cho’qqa  uraverish 

esa sog’ligingiz bilan bog’liq muammolarga sabab bo’lishi tayin. Xo’sh, nima qilmoq 

kerak?  Buning  chorasi  juda  oddiy:  taym-menejmentni,  ya’ni  vaqtni  boshqarishni 

o’rganing. 

Muvaffaqiyatlilar siri 

Muvaffaqiyatli  odamlarning  bari  anchayin  samaradorligi  bilan  ajralib  turadi. 

Ular  juda  ko’p  ishlashadi  va  ko’p  narsaga  ulgurishadi.  Unutmangki,  samardorlik 

deganda, birinchi navbatda natija ko’zda tutiladi, jarayon emas. Agar samaradorlikni 

oshirishni  istasangiz,  bunga  qat’iy  qaror  qiling.  Ko’pchilik  aynan  qarori  qat’iy 

bo’lmagani uchun ham vaqtini behuda sarflab qo’yadi. 

                                                 

43

 www.tib.uz 

---

340 

 

Xullas,  ahdingiz  jiddiy  bo’lsa,  muvaffaqiyatlilar  siri  bilan  tanishing:  vaqtni 

to’g’ri  taqsimlash  samaradorlikning  asosiy  garovidir.  Taym-menejment  biznes  yoki 

karerangizni yutuqlar sari etaklaydigan eng muhim omillardan biri sanaladi. 

10/90 qoidasi 

Hayotida  muvaffaqiyatga  erishganlar  ko’p  vaqtini  rejalashtirishga  sarflaydi. 

Kunlik  rejalashtirish  samaradorlikni  orttirish  va  vaqtdan  unumli  foydalanish  uchun 

zarur. 

Esingizda  bo’lsin:  to’g’ri  rejalashtirish  salbiy  ko’rsatkichlarning  oldini  oladi. 

Eng  yaxshisi,  rejalarni  qog’ozga  tushiring.  Bu  sizga  yo’ldan  adashmaslik  uchun 

o’ziga xos xarita vazifasini o’tab beradi. 

Qo’lingizdagi  ro’yxat  bilan  birinchi  kundanoq  samaradorlik  25  foizga  oshadi. 

Ertangi  qiladigan  ishlaringiz  ro’yxatini  bugun  kechqurun  tuzib  qo’ying.  Ishga 

kelganingizda, nimadan boshlashni bilasiz. 

Kun  davomida  ishni  rejaga  muvofiq  olib  boring:  yangi  ish  chiqib  qolsa,  

muhimligiga  qarab  rejaga  kiritib  qo’yaverasiz.  Amalga  oshgan  vazifalarni  albatta 

ro’yxatdan o’chirib tashlang. Bu sizga qoniqish hissini beradi, sizga kuch va g’ayrat 

bag’ishlaydi. 

Rejani  ishlarning  mushkulidan  osoniga, uzoq  muddatlisidan qisqa  muddatlisiga 

qarab tuzing. Har bir vazifaga muayyan vaqt belgilang. 

Biror  narsaga  kirishishdan  oldin  10/90  qoidasini  yodda  tuting:  rejalashtirishga 

sarflangan  10  foiz  vaqt  vazifani  bajarishda  90  foiz  vaqtni  iqtisod  qilishga  yordam 

beradi.