O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

13-МАЪРУЗА
КОРРОЗИЯНИНГ ТУРЛИ КЎРИНИШЛАРИГА МЕТАЛЛ МАТЕРИАЛЛАРНИНГ ЧИДАМЛИЛИГИНИ СИНАШ УСУЛЛАРИ.
8.1. Фреттинг-коррозия
8.2. Кавитацион эрозия
8.3. Материалларни синашнинг асосий усуллари
8.4. Материалларни коррозиянинг локал кўринишларига қарши чидамлиликка синаш.
8.5. Материалларнинг коррозион-механик таъсирларга чидамли-лигини синаш.
8.6. Коррозион мониторинг
Таяч сўзлар: фреттинг-коррозия, кавитация, сифат мезони, индика-торли метод, чидамлилик баллари, коррозион бардошлилик, моделлашти-риш, активаторлар, гравиметрик усул, агрессив муҳит, потенциодинамик усул, гальваностатик усул, коррозион ёрилиш, чарчашнинг шартли чегараси, дефектоскопия.
8.1. Фреттинг-коррозия
Ишқаланиш туфайли вужудга келадиган коррозия фреттинг-коррозия дейилади. Коррозиянинг бу тури даврий равишда унча катта бўлмаган нисбий силжишлар туфайли бир-бирига тегиб турган сиртлардаги шикастлар ва емирилишлар билан характерланади. Бу жараён одатда турли хилдаги болтли, шлицали, қулфакли, парчинли, шарнирли ва шу каби деталларда кўп учрайди. Иш жараёнида бу деталлар такрорланувчи нисбий силжишлар тарзида ҳаракат қилиши сабабли сирт плёнкаларида механик бузилишлар келиб чиқади. Тегиб турган сиртлар фреттинг коррозия жараёнида бир-биридан ажралмаганлиги сабабли емирилиш маҳсулотлари контакт зонасидан чиқиб кета олмайди. Бу эса металлар ейилишини ва ўз навбатида коррозияни кучайтиради.
Фреттинг коррозиянинг тезлиги металлнинг табиати, муҳит таркиби, ҳарорат, солиштирма юклама, сиртларнинг ҳолатига боғлиқ.
Тегиб турувчи сирт материалларини рационал танлаш, қопламалар ҳосил қилиш, мойлаш материалларини қўллаш орқали фреттинг коррозиядан ҳимояланиш мумкин.


8.2. Кавитацион эрозия
Кавитацион эрозия гидротурбиналар, эшкаксимон винтлар, насослар, беркитувчи қурилмалар ва қувур ўтказгичларни ишлатиш жараёнларида кузатилади. Коррозиянинг бу тури қаттиқ жисмни суйриб ўтадиган суюқлик оқимининг ностационарлиги билан боғлиқ.
Кавитация – суюқликда пуфакчаларнинг ҳосил бўлиш ва йўқолиш жараёнидир. Пуфакчаларнинг гидравлик зарба билан йўқолиши кавитацион эрозияга сабаб бўлади. Пуфакчаларнинг ҳосил бўлиши паст босимли соҳада, йўқолиши эса юқори босимли соҳада юз беради. Шунинг учун кўпинча кавитацион емирилиш соҳаси пуфакчаларнинг ҳосил бўлиш соҳасдан анча узоқда бўлади.
Дастлаб кўпсонли микродарзларни вужудга келтирувчи материалнинг прогрессив юмшалиш жараёни боради. Шундан сўнг кичик заррачаларнинг бошқа тусга кириши бошланади. Маълум шароитларда кавитацион эрозия ўша муҳитдаги коррозион емирилишдан минг, ҳаттоки ўн минг марта кучли бўлиши мумкин. Суюқ коррозион муҳитлардаги кавитацион таъсир туфайли деталларнинг бузилишига қотишманинг таркиби ва структураси ҳамда оқимнинг тезлиги муҳим рол ўйнайди.