O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

23-МАЪРУЗА.
Иссиқликка чидамли ҳимоя қопламалари.
16.1. Термодиффузион қоплаш усули
16.2. Иссиқлик усули ёки эритилган металлга ботириш усули.
16.3. Пуркаш орқали металл ётқизиш

Таянч иборалар: диффузия, металлни пуркаш, иссиқлик усули, плакир-лаш, термоалюминийлаш, термохромлаш, термокремнийлаш, қайноқ оқарти-риш, электрометаллизатор, псевдоқотишма, металлизация, вулканизация, термодиффузия, штамповка, лок-бўёқ қопламалари, пластификатор, пигмент, тўлдирувчилар, катализатор, алиф.
16.1. Термодиффузион қоплаш усули
Металлар сиртига иссиқбардош ва оловбардош қопламаларни ётқизиш буюмлар ва жиҳозларни газ коррозиясидан ҳимоялаш усулларидан бири бўлиб ҳисобланади. Бундай қопламаларга бир қатор талаблар қўйилади. Улар яхлит ва агрессив муҳитни ўтказмайдиган, металлга қаттиқ ва мустаҳкам ёпишадиган, асосий металлнинг технологик хоссаларини ёмонлаштирмайди-ган ва ҳ.к. Металл сиртига ҳимоя қопламаларини ётқизишнинг қуйидаги усуллари мавжуд:
1) диффузион;
2) металлни пуркаш;
3) иссиқлик усули – буюмни эритилган металлга ботириш;
4) механотермик ёки суркаш (плакирлаш).
Термодиффузион усул 1938 йилда Н.А. Изгарышев ва Э.С. Саркисовлар томонидан ишлаб чиқилган ва амалда қўлланилган. Бу усул юқори температураларда асосий металл сиртини диффузия йўли билан легирловчи компонент атомлари билан тўйинтиришга асосланган. Бунда легирловчи металл сарфининг кескин камайишига эришилади. Термодиффузион қоплама ҳосил бўлиши учун қуйидаги икки асосий шарт бажарилиши керак:

• 
  асосий металл билан қопланадиган металлнинг қаттиқ эритмаси ҳосил бўлиши лозим;
  
• 
  қопланадиган металл атомларининг кристалл панжара ичкарисига эркин кириб бориши учун уларнинг атом радиуси асосий металл атомлари радиусидан катта бўлмаслиги керак.
  

Масалан, темир учун термодиффузион қоплама Си, Аи, Zn, Ti, Al, Si, Cr, Mo ва б. металлардан ҳосил қилиниши мумкин. Булардан ишлаб чиқаришда энг кўп қўлланиладиган қопламаларга қуйидагиларни келтириш мумкин:

• 
  алюминий билан — термоалюминийлаш;
  
• 
  хром билан — термохромлаш;
  
• 
  кремний билан — термокремнийлаш.