Oʻzbekiston respublikasi oliy va oʻrta maxsus taʼlim vazirligi toshkent moliya instituti

NYSE da ishlash afzalliklari 
Bu fond birjasining faol treyderlar va treyding uchun afzalliklari yaqqol 
ko‘zga tashlanib turadi: 
-jahon iqtisodiyotining mingdan ortiq etakchi kompaniyalari juda likvidli 
aksiyalari ulkan soni, bundan har kuni o‘nlab kompaniyalar deytreyderlarga ham, 
investorlarga ham treydingda pul ishlab olishga imkon beradigan kuchli va aniq 
harakatlar namoyish etadi; 

---

322 
- buyurtmalarni bajarishning eng rivojlangan va kuchli tizimi, bir onda 
istalgan hajmda internet-treyding amalga oshirish imkonini bergan; 
- eng rivojlangan axborot infratuzilmasi. Kompaniyaning choraklik 
hisobotlari, statistika ma’lumotlari qat’iy jadval asosida chiqariladi va maxsus 
saytlarda bepul e’lon qilinadi (saytning o‘ng tomonida, «Moliyaviy portallar» 
ro‘yxati), kompaniya bo‘yicha eng muhim yangiliklarni kuzatish mumkin, choraklik 
hisobotlar asosiy savdo sessiyasi ochilishidan oldin yoki yopilganidan keyin 
chiqariladi; shu tariqa treyder bozor ochilmasidan turib qaysi aksiyalarga faol savdo 
va kuchli harakatlar bo‘lishini, qaysi aksiyalar bilan ishlashini biladi; 
- ma’lumotlar va yangiliklar qat’iy jadvalga rioya qilgan holda chiqarilishi 
treyder pozitsiyasini kutilmagan yangiliklar bilan g‘aflatda qoldirish riskini 
minimallashtiradi. Bundan tashqari, har bir kompaniya va tarmoq bo‘yicha ko‘plab 
moliyaviy portallarda so‘nggi yangiliklar, grafiklar va batafsil axborot olish 
mumkin; 
- o‘nlab turli xil strategiyalarni qo‘llash imkoniyati: bir necha soniya ichida 
pozitsiyalarni ushlab turish, darajadan savdolashish, kuchli harakatlar bilan savdo 
qilish, bir necha kun davomida o‘z pozitsiyalarini ushlab turish, juftliklar savdosi va 
boshqalar. 
 
Nyu-York fond birjasida listing 
Nyu-York fond birjasida 2800 dan ortiq kompaniya listingdan o‘tgan, 
shundan 450 tasi – 53 mamlakatdan xorijiy kompaniyalardir. Listingdan o‘tgan 
kompaniyalar 
«havorang fishka» deb ataladigan ishonchli, barqaror 
kompaniyalardan ham, yosh va jadal rivojlanayotgan kompaniyalardan ham 
iboratdir. Yangi kompaniyalar birjada o‘z aksiyalarini ommaviy joylashtirishgandan 
(initial public offering - IPO) keyin kotirovka varaqlariga kiritiladi. Listingdan o‘tish 
uchun kompaniyalar birjaning qat’iy moliyaviy va huquqiy talablariga javob berishi 
lozim. Listingdan o‘tgan kompaniyalar a’zolik badallari to‘lashi lozim. Hozirgi 
paytda NYSE kotirovka varag‘i ko‘p jihatdan xorijiy kompaniyalar aksiyalari 
hisobiga to‘ldiriladi. 

---

323