Oʻzbekiston respublikasi oliy va oʻrta maxsus taʼlim vazirligi toshkent moliya instituti

Birja a’zoligiga qabul qilish protsedurasining rasmiylashtirilishi 
Yuridik shaxslarning Birja A’zolari tarkibiga qabul qilish Birja Boshqaruvi 
tomonidan amalga oshiriladi. Birja a’zolari soni qonunchilikka muvofiq holda 
tartibga solinadi. 
Birja a’zoligiga qabul bo‘lish uchun yuridik shaxslar Birja devonxonasiga 
namunali shakldagi tegishli arizani kerakli hujjatlarni ilova qilgan holda yoki Birja 
Boshqaruvi Raisi nomiga ERI bilan tasdiqlangan PDF formatida elektron shaklida 
berishi kerak, ya’ni: 
-
tashkilotning davlat qaydidan o‘tganligi borasidagi guvohnomaning 
nusxasi; 
-
qimmatli qog‘ozlar bozorining professional ishtirokchisi sifatida faoliyatni 
amalga oshirish uchun berilgan litsenziya nusxasi (banklar uchun – O‘zbekiston 
Respublikasining Markaziy Banki litsenziyasi; sug‘urtalovchilar uchun – 
O‘zbekiston Respublikasining Moliya Vazirligi litsenziyasi). 
-
qimmatli qog‘ozlar bozorining professional ishtirokchisini kamida ikkita 
xodimining shahodatnomasi nusxasi; 
-
bandida ko‘rsatilgan xodimlarning qimmatli qog‘ozlar bozorining 
professional ishtirokchisi shtatiga asosiy ish joyiga qabul qilinishi borasidagi buyruq 
nusxasi. 
Ariza Birja devonxonasida qayd qilinadi va Boshqaruv Raisi yoki u yo‘qligida 
Boshqaruv Raisining o‘rinbosarining qayd belgisi bilan ijro uchun Birjaning mas’ul 
bo‘linmasiga beriladi, ushbu ariza uch kunlik muddat ichida ariza beruvchining Birja 
A’zolari tarkibiga kiritilishi qonuniyligi yoki sabablari ko‘rsatilgan holda Birja 
A’zolari tarkibiga kiritish uchun rad javobini berish borasidagi xulosasini taqdim 
etadi. Birjaning mas’ul bo‘linmasi xulosasi asosida Birja Boshqaruvi ariza 
beruvchining Birja a’zolari tarkibiga kiritilishi yoki sabablari ko‘rsatilgan holda 

---

177 
Birja a’zolari tarkibiga kiritish uchun rad javobini berish borasidagi qarorini 
chiqaradi. Birja Boshqaruvi tomonidan nomzodni Birja a’zoligiga kiritish bo‘yicha 
qabul qilingan tegishli qarorning nusxasi uch kunlik muddat ichida ariza beruvchiga 
jo‘natiladi. Ariza beruvchi uni Birja A’zolari tarkibiga kiritilganligi haqidagi 
qarorning nusxasini olganidan so‘ng Birja Boshqaruvi tomonidan tasdiqlangan 
namunali shaklga asosan «Toshkent» RFBda qimmatli qog‘ozlarga doir bitimlar 
tuzish uchun xizmat ko‘rsatish haqidagi Shartnomani (bundan buyon - Shartnoma) 
tuzishi kerak. Shartnoma joriy taqvim yili yoki joriy taqvim yili va keyingi taqvim 
yilini qamrab oladigan davr uchun tuziladi. Shartnoma muddati tugaganidan so‘ng 
uni qaytadan tuzish yoki muddatini uzaytirish zarur. Shartnoma ikki nusxada 
tuziladi. Shartnoma 10 ish kuni ichida imzolanib, Birjaga taqdim etilishi kerak. Agar 
10 ish kuni davomida Shartnoma Birjaga taqdim etilmasa, Birja Birja a’zoligini 
bekor qiladi va ariza beruvchining Birja A’zolari tarkibiga kiritish borasidagi 
qarorini kuchdan qoldiradi. Birja a’zosi tomonidan u imzolagan Shartnomaning ikki 
nusxasi taqdim etilganidan so‘ng, Birja unga uch kun ichida taraflar imzolagan 
Shartnomaning bitta nusxasi va “Toshkent” RFB Birja A’zoligiga kiritilganlik 
haqidagi Guvohnoma” ni beradi. Shartnomaning bitta nusxasini olganidan so‘ng, 
Birja A’zosi Birjada “Toshkent” RFBda qimmatli qog‘ozlarning birja savdosi 
Qoidalari’ga muvofiq brokerlik idorasining akkreditatsiyasini amalga oshiradi.