Oʻzbekiston respublikasi oliy va oʻrta maxsus taʼlim vazirligi toshkent moliya instituti

Moskva fond birjasi
uchun quyidagi listing talablari mavjud: 
-
oddiy aksiyalarda: emitentning bozor kapitalizatsiyasi 60 mlrd. rubldan 
ortiq bo‘lsa mos ravishda 3 mlrd. rubldan kam bo‘lmagan miqdorda va chiqarilgan 
barcha oddiy aksiyalarning eng kamida 10 foizi; emitentning bozor kapitalizatsiyasi 
60 mlrd. rubl va undan kam bo‘lsa 3 mlrd. rubllik qimmatli qog‘oz; 
-
imtiyozli aksiyalarda: chiqarilgan imtiyozli aksiyalar eng kamida 1 mlrd. 
rublni tashkil etsa va kamida chiqarilgan qimmatli qog‘ozlarning 50 foizi, 
chiqarilgan imtiyozli aksiyalar eng kamida 500 mln. rublni tashkil etsa va mos 
ravishda chiqarilgan imtiyozli aksiyalarning 50 foizi muomalada bo‘lishi;
-
emitent yoki yuridik shaxsning amal qilish muddati: a) emitentni qayta 
tashkil etish natijasida uning yuzaga kelishi; b) Konsolidatsiyalashgan moliyaviy 

---

338 
hisobot ma’lumotlariga qaraganda emitent kirgan biznes guruhining kamida 50 foizi 
biznes tashkil etgan bitta yoki undan ko‘p miqdordagi biznes ustidan nazorat olib 
borishi; 
-
emitentning faoliyat ko‘rsatish muddati – kamida 3 yil; 
-
MHXS bo‘yicha audit tomonidan tasdiqlangan moliyaviy hisobotni tuzish 
va oshkor qilish – so‘nggi yakunlangan 3 yil. 
Yuqorida rivojlangan va rivojlanayotgan mamlakatlar qimmatli qog‘ozlar 
bozori savdo tizimlarining listing talablari tahlil qilindi. Tahlil natijalariga ko‘ra 
fond birjalarining listing talablari bir-biridan keskin farq qilishini ko‘rdik. 
Rivojlangan mamlakatlar listing talablari tahlili mamlakatimiz fond bozori uchun 
ularning listing talablari juda kuchliligini, bunga bosiqchma-bosqich borish 
zarurligi, ammo, listing toifalaridan foydalanish mumkinligini ko‘rsatdi.
8.6. Fond bozorini muvofiqlashtirish va tartibga solishning jahon 
tajribasi. O‘zini-o‘zi muvofiqlashtiruvchi tashkilotlar
Qimmatli qog‘ozlar bozorini tartiblashtirishning jahon amaliyoti fond bozorini 
muvofiqlashtirish va fond qonunchiligi ijrosini nazorat qilinishi tizimi bo‘yicha 
tashkillashtirish modellarining turliligini ko‘rsatadi (9.1 va 9.3 paragraflarga qaralsin). 
Jahon amaliyotida eng ko‘zga ko‘ringan ba’zi regulyatorlarni ko‘rish bilan 
chegaralanamiz, chunki boshqa ko‘pchiligi ularning u yoki bu jihatlarini o‘z ichiga olgan.