O’zbekiston respublikasi oliy va o’rta maxsus ta’lim vazirligi termiz davlat universiteti biologiya kafedrasi

Jamg’aruvchi to’qima. Jamg’aruvchi to’qimalar tirik parenximalardan tashkil topgan bo’lib, ular 
o’simliklarning  organlarida  (urug’larida,  ildizlarida,  poyalarida,  ildiz  poyalarida,  tuganaklarida  va 
boshqalarda)  to’planadi.  O’simliklarning  barcha  hujayralari  ozuqa  moddalarini  to’plashi  mumkin, 
lekin  jamlovchi  vazifani  bajaruvchi  asosiy  o’rinda  turgan  to’qimalargina  jamlovchi  to’qima  deb 
ataladi.  Oziq  moddalar  organlarda  qattiq  va  suyuq  hollarda  to’planishi  mumkin.  Qattiq  moddalar 
sifatida  kraxmal  donachalari  va  jamg’arma  oqsillar  to’planadi.  Ba’zi  o’simliklarda  jamg’arma 
ozuqa  moddalar  sifatida  hujayra  qobig’i  tarkibiga  kiradigan  gemitsellyuloza  qatnashadi.  Masalan, 
xurmo  (finikovaya  palma)  urug’i  hujayralarini  qalin  qobig’ining  ko’p  qismini  gemitsellyuloza 
tashkil  etadi.  Urug’  unganda  gemitsellyuloza  fermentlar  ta’sirida  shakarga  aylanib,  maysalarning 
rivojlanishi uchun sarf bo’ladi. 
Lavlagi,  sabzi,  ildiz  mevalarida,  piyoz,  shakar  qamishi  poyasida,  tarvuz,  uzum  va  boshqa 
o’simliklarda shakar suyuq oziqa moddalar holatida to’planadi.