O`zbеkiston rеspublikasi oliy va o`rta maxsus ta'lim vazirligi tеrmiz davlat univеrsitеti tabiiy fanlar fakultеti

Эндоплазматик тўр мембрана билан чегараланган мураккаб тузилган 
каналлар ва цистерналардан иборат. Кўп хужайраларда эндоплазматик тўр 

---

7 
мембранаси юзасида кўп гранулалар жойлашган бўлади. Улар рибосомалар 
деб юритилади. Рибосомалар хужайрада жуда майда бўлиб, цитоплазмада 
эркин ҳолда ҳам бўлади. Ядрода жойлашган рибосомаларда ядро оқсиллар 
синтезланади. Эндоплазматик тўрда жойлашган рибосомалар оқсилларни 
синтезлашда актив роль ўйнайди.
Гольжи аппарати ядро атрофида жойлашган, қўш қават мембранали 
мураккаб тўр шаклдаги тузилмалардан иборат.
Митохондриялар бошқача қилиб хужайранинг куч станциялари деб 
ҳам юритилади. Улар овал, юмалоқроқ, бир оз чузиқ ёки таёқчасимон,
ипсимон шаклларда бўлади. Хужайрада 50 тагача, баъзи хужайраларда 900 
тагача митохондриялар бўлади. Митохондриялар мембранаси икки каватдан 
иборат. Улар таркибида оксиллар, липидлар нуклеин кислоталар борлиги 
кўзатилган. Шунингдек, улар таркибида хужайрадаги энергия алмашинувида 
иштирок этувчи кўпгина ферментлар сақланади. Митохондрияларда АТФ 
(аденозинтрифосфат кислота) ҳосил бўлади.
ТЎҚИМАЛАР 
Тузилиши, келиб чикиши ва функцияси бир-бирига ўхшаш бўлган 
ҳужайралар тўплами тўқима деб аталади. Организмдаги хамма тўқималар 4 
та группага: эпителий (қопловчи), бириктирувчи (таянч - трофик), мускул 
(мушак) ва нерв тўқималарига бўлинади.
ЭПИТЕЛИЙ ТЎҚИМАСИ 
Эпителий тўқимаси бир қаватли ва кўп қаватли бўлади. Бир қаватли 
эпителий тўқимаси бир қаватдан тузилган юпқа пластинка шаклидаги 
ҳужайралардан ташкил топган.
Бир қаватли эпителий тўқимаси ҳужайралари шаклига қараб ясси, 
кубсимон ва цилиндрсимон эпителийга бўлинади, эпителий тўқималари 
функциясига кўра тебранувчи (киприкли), безли, тери ва ичак 
эпителийларига бўлинади.
Кўп қаватли эпителий тўқимасида хужайралар бир неча қават 
жойлашган бўлиб, ҳужайралари хар хил шаклдадир.