O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Quyidagi ixtisoslashgan akarisidlar o’simlik kanalariga qarshi keng qo’llanilmoqda

OMAYT, 57% em.k. 570 Ye1U, (dargit, uzmayt). Sof moddasi: propargit, kam zaharli (O’D50 kalamush va sichqonlar uchun 1800-2000 mg/kg ga teng) AQSh ning Yuniroyal firmasi tomonidan kashf etilgan. Propargit ixtisoslashgan akarisid, tarkibida olting’ugurt mavjud. Propargit kanalarning lichinka va yetuk zotlariga nisbatan yuqori va davomli ta’sir etadi. Shu bilan birga, omayt asalari va boshqa foydali hasharotlarga nisbatan zararsizdir.

O’zbekistonda omayt 8 xil o’simlikni o’rgimchakkanalardan himoya qilish uchun quyidagi me’yorda tavsiya qilingan: g’o’zada — 1,5 l/ga, olmada - 1,5-3,0 l/ga, sitrus ekinlarida - 4,5 l/ga, tokda - 1,2-1,8 l/ga, olchada - 0,9-1,2 l/ga hamda pomidor va kartoshka zang kanasida - 1,5 l/ga. Omaygni boshqa preparat - insektisidlar (ISO dan tashqari) yoki fungisidlar (mis kuporosi va bordo suyukdigidan tashqari) qo’shib ishlatish mumkin. O’zbekistonda uzmayt, dargit kabi analoglari ishlab chiqariladi. Mintaqamizda 1978 yildan beri tatbiq qilingan omaytga nisbatan chidamli yoki bardoshli o’rgimchakkana populyasiyalari uchramagan.

MITAK 20 % em.k. “Arista Layf Sayens SAS” kampaniyasi tomonidan ishlab chiqarilgan. Ta’sir etuvchi moddasi Amitras (amitraz). Bu preparat g’o’zaning o’rgimchakkana, g’o’za tunlami, shiralar, oqqanot zararkunandalariga qarshi o’suv davrida purkaladi, sarf me’yori 2.0-3.0 l/ga. Olma kanalari, mevaxo’rlari, bargxo’rlar, olma qurtiga, olma shiralariga va olma kuyalariga qarshi kurashda ham qo’llaniladi, sarf me’yori 3.0-6.0 l/ga. Tokni o’rgamchakkana va bargxo’r qurtlariga qarshi o’suv davrida purkaladi, sarf me’yori 1.6-2.4 l/ga. Bundan tashqari nok va shaftoli kanalariga qarshi ham ishlatiladi, sarf me’yori 3.5-4.5 l/ga.

NEORON 50% em.k. “Singenta” kompaniyasi tomonidan ishlab chiqarilgan ta’sir etuvchi moddasi Brompropilat (bromopropylate). Bu preparat g’o’za, tok, olma, sitrus ekinlarining kanalariga qarshi o’suv davri davomida qo’llaniladi sarflash me’yori har bir ekinlarga nisbatan farqlanib turadi: g’o’za 1.0-1.2 l.ga, tokda 1.2-1.8 l.ga, olmada 1.5-3.0 l.ga, sitrus ekinlarida 4.5 l.ga miqdorda qo’llaniladi.