O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Kurash choralari. Issiqxonalarda joriy qilingan ob-havo rejimiga qat’iy rioya qilish, havo va tuproq harorati 20-22°S dan past bo’lmasligini ta’minlash, iliq(20-25°S) suv bilan sug’orish; bodring urug’ini ekish uchun tayyorlangan tuproq yoki kompostga tolklofos-metil yoki etridiazol + kuintosen fungisidlarini solish; zararlangan tuproqni ekishdan oldin almashtirish yoki zararsizlantirish; urug’likni faqat sog’lom ekinlardan olish; iloji bo’lsa, 3-4 yilgacha saqlangan urug’ ishlatish; ekishdan oldin urug’larni 50-60°S haroratda 4-5 soat davomida isitish; viroz, fuzarioz va askoxitozdan zararsizlantirish uchun urug’larni ikki bosqichda isitish (oldin 50-52°S da 3 sutka, keyin haroratni asta-sekin 78-80°S gacha ko’tarish va shu haroratda yana 1 sutka saqlash); saralash (3-5% li osh tuzi eritmasiga solib, 3 daqiqa davomida aralashtirish, yuzaga chiqqanlarini doka bilan suzib olib tashlash, qolganlarini suv bilan bir necha marta yuvish, dorilash va quritish); ularni ekishdan oldin 12-20 soat davomida ivitish; issiqxona va ochiq dalalarda tuproqni chopib, maydalab turish; bodring, qovun, tarvuz va qovoqning sifatli, saralangan urug’larini keng spektrli fungisid (misol uchun, Vitavaks 200FF) yoki trixodermin (7 g/kg) bilan dorilash, balandroq jo’yaklarga sayozroq ekish, keragidan ortiq sug’ormaslik; almashlab ekish tavsiya qilinadi (Gerasimov, Osniskaya, 1961; Zaprometov, 1974; Pessov, 1974; Peresыpkin, 1982; Fletcher,1987; Bernhardt et al., 1988; Vyangelyauskayte i dr. 1989; Ganiyev, Nedorezkov, 2005).