O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Fitopatologiya fanining boshqa fanlar bilan aloqasi.

Fitopatologiya fani tarixiy taraqqiyotida qo’yidagi umumbiologik va qishloq xo’jalik fanlari bilan uzviy bog’langan. Patogen mikroorganizmlar qatoriga zamburug’lar, bakteriyalar, viruslar va nemotodalar kirganligidan fitopatologiya fani mikologiya, bakteriologiya, virusologiya va nemotodologiya fanlari bilan uzviy bog’langan. Kasallangan o’simlik xo’jayra va to’qimalarida ro’y beradigan fiziologik va biokimyoviy jarayonlarni mukammal o’rganish maqsadida fiziologiya va biokimyo fani yutuqlariga asoslanadi. Qishloq xo’jaligiga yangi ekinlarning ekilishi, ularni iqlimlashtirilgan xududlarining kengayishi, ularni yetishtirish bilan shug’ullanadigan o’simlikshunoslik fani yutuqlariga asoslanishini ta’qozo qiladi. O’simliklar navlari to’g’risida fitopatologlar to’plagan ma’lumotlar seleksioner va genetiklarning kasalliklarga chidamli navlarini yaratishda muxim ahamiyatga ega. Dehqonchilik, tuproqshunoslik, agrokimyo fanlari tavsiya qiladigan ekinlarni ekish muddati, tuproqqa ishlov berish, o’g’it qo’llash va almashlab ekishga amal qilish fitopatologlar nazoratida bo’lishi kerak. O’simliklarni xashoratlardan himoya qilishda fitopatologlarning entomologlar bilan yaqindan hamkorlik qilishini taqazo qiladi. O’simliklarning kasalliklariga qarshi kurashda qo’llaniladigan kimyoviy moddalar – fungisidlar va ularga ishlov berish mashinalaridan foydalanishda fitopatologiya fanini organik va anorganik kimyo hamda mexanizasiya fanlari bilan bog’laydi. Qishloq xo’jalik ekinlariga qarshi kurashda qo’llaniladigan kimyoviy, agrotexnik va biologik kurash choralarining iqtisodiy, biologik samaradorligi iqtisodiyot va matematika fanlari metodlari bilan xisoblab chiqiladi.