O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Kurash choralari. 1. Bu zararkunandalarga qarshi ku-rashda oldini olish tadbirlarini o’tkazish katta ahamiyatga ega. Bular qatoriga: issiqxonalarga ekin ekishdan avval, tuproqdagi pashshani sun’iy «uyg’otib» qirib tashlash. Buning uchun havo haroratini 20⁰ gacha ko’tarish kifoya bo’ladi. Shundan keyin birorta piretroid bilan ishlov o’tkazsa bo’ladi. 2. G’ovak hosil qiluvchi pashshalar bilan kam zararlanadigan ekinlar bilan olmoshlab ekin ekish (baqlajon, qalampur, gulli karam va b.). 3. Ko’chat ekishdan oldin issiqxonalarga sariq yelim surtilgan ekranlarni yerga yaqin qilib osib qo’yib pashshaning yetuk zotlarini yig’ib olish ham samara beradi. 4. Ko’chat ekilganidan keyin nazoratlar o’tkazib birinchi zararlangan barglarni yig’ib tashqa-riga olib chiqib ko’mib tashlash faol kurashning birinchi navbatidir. 5. G’arbiy Yevropa mamlakatlarida g’ovak hosil qiluvchi pashshalarga qarshi kurashish maqsadida turli insektisidlar ishlatishadi. Bular orasida eng samaralisi abamektin (vertimek, avermektin, agrimek, dinamek, zefir) hisoblanadi 0,4-0,5 l/ga. Lekin boshqa insektisidlar ham pashshaning yetuk zotiga qarshi issiqxonalarda yaxshi samara berishi mumkin: aktellik – 3-5 l/ga, fufanon – 2,4-3,6 l/ga, arrivo – 0,4-0,5 l/ga. Ochiq dalalarda ham ruxsat etilgan sarf-me’yorlarda insektisid ishlatish mumkin.