O'zbekiston respublikasi oliy va o‘rta maxsus ta’lim vazirligi samarqand iqtisodiyot va servis instituti

Bilimlarni tekshirish va baholashning turlari.  Odatda baholashning joriy, oraliq va 
yakuniy   turlari eng ko‘p qo‘llaniladi. Ular og‘zaki va yozma ishlar, individual va yoppasiga 
so‘rash, dars bo‘yicha ball qo‘yish shaklida o‘tkaziladi.
1. Bilimlarni joriy tekshirish har bir darsda o‘tkaziladi. U tushuntirish, mustahkamlash, 
materialni takrorlash chog‘ida o‘quv jarayonining zarur qismi hisoblanadi. Ta’lim beruvchi ta’lim 
oluvchidan   mavjud   bilimlarga   tayanib   ish   ko‘rgan   taqdirdagina   ta’lim   beruvchilik   faoliyati 
muvaffaqiyatli bo‘lishi mumkin. Joriy tekshirish bu bilimlarni aniqlashga va o‘quv jarayonini ana 
shu asosda olib borishga imkon beradi. O‘quv materialini egallash borasida ta’lim oluvchi duch 
keladigan ko‘pgina qiyinchiliklar yangi bilimlar va  ta’lim oluvchining o‘zidagi mavjud bilimlar 
o‘rtasida etarli darajada bog‘lanishning yo‘qligi bilan izohlanadi.
Bilimlarni joriy tekshirish maxsus ajratilgan vaqtda so‘rash uy vaifasini tekshirish uchun 
mustaqil ish bajartirish shaklida o‘tkaziladi.
Joriy tekshirishning turli formalarini qo‘shib ish ko‘rish ta’lim oluvchilarning bilimlarini 
takomillashtirish, faoliyatini kuchaytirish imkoniyatini beradi.