O‘zbekiston respublikasi oliy va o`rta maxsus ta’lim vazirligi samarqand davlat universiteti

1.Yozuvga o’rgatishning texnik va ta’limiy shartlari.
O'quvchilarni yozuvga o'rgatishning muvaffaqiyatli natijasi bir qancha vositalarga bog'liq bo'lib, ularni shartli ravishda 2 turga ajratish mumkin: Texnik shartlar,ta`limiy shartlar.
A).Texnik shartlarga quyidagilar kiradi:
-sinf jihozlarining ketma-ketligi.
-sinf xonasining talab darajasida yoritilishi.
-partada o'quvchining to'g'ri o’tirishi.
-ruchkani to'g'ri ushlashi.
-daftarni 65˚ qiyalikda ushlash.
-daftar chiziqlarining aniq va ko'z tashlanib turishi.
Ushbu shartlar bir-biriga o'zaro bog'liq holda to'g'ri yo'lga qo'yilsa, chiroyli yozuvga o'rgatishning texnikaviy shartlari bajariladi.
B).Ta`limiy shartlar - o'qituvchining faoliyati bilan bog'liq bo'lgan shartlar majmuasidir;
O'quvchilarni yozuvga o'rgatishning ta'limiy vositalaridan biri ko'rgazmalilikdir. Ko'rgazmalilik 2 xil bo'ladi:
1.Ko'rgazmali tasvir.
2.Ko'rgazmali harakat.
Ko'rgazmali tasvir - bu o'qituvchi tomonidan birorta harfning yozma shakli ifodalangan bo'lsa, shu shakl kichik hajmda, har bir o'quvchining partasiga beriladi.
Ko'rgazmali harakat o'qituvchi tomonidan amalga oshiriladi, bunda o'qituvchi har bir harfning yozilish shaklini doskada ko'rsatib, izohlaydi.
2.Yozuv qurollari( ruchka va daftar) bilan ishlash malakasini shakllantirish
Boshlang’ich ta’limda eng ko'p tarqalgan yozuv qurollaridan biri sharikli (ravon yozadigan, “Alfa”) ruchkalar bo'lib, butun sinf o'quvchilarining bir xil tipdagi yozuv ruchkasidan foydalanishi katta ahamiyatga egadir. Ular varaq sathiga nisbatan bir xil qiyalikda ishlatiladi. Ruchkalarga qarash va ularni yozishga shaylashga ham talab qo'yiladi. Agar bolalarga bir xil tipdagi ruchkadan foydalanish qat`iy talab qilib qo'yilmasa, ularning biri qimmatbaho ruchkada, biri gelli, yana biri rangli, boshqa birovi esa ruchka pastasi bilan ham yozaveradi. Bu holat esa yozuv malakasining shakllanishiga salbiy ta`sir qiladi, o'qituvchining mehnatini murakkablashtiradi.