O‘zbekiston respublikasi oliy va o‘rta maxsus ta’lim vazirligi samdu oʻzbekiston-finlandiya pedagogika instituti

Topshiriq. “Zamonaviy dunyoda ta’lim tizimi” matnidagi fe’l so‘z turkumiga oid bo‘lgan so‘zlarni topib daftaringizga yozing. Fe’lning harakat-holatni ifodalashiga ko‘ra turlariga ajrating.

Topshiriq. Berilgan matnni o‘qing va fe’l so‘z turkumiga oid bo‘lgan so‘zlarga savol bering va aniqlang.
“Toshkentnoma”
Umrim bino bo‘ldi Ozarboyjonda,
Kechdi bolaligim u gul makonda.
Nizomiy vatani, Ganja o‘lkasi
O‘pkamga to‘ldirdi she'r havosin...
Lekin shoirlikning nozik tolei
Kuldi Sirdaryoning havzalarida.
O‘zbek quyoshining chin otaligi
Aks etdi mastoba kosalarida.
O‘zbek vodiysida otimni surdim,
Aziz yo‘ldoshlar-la o‘toldim, yurdim.
Yo‘q, men taqdirimdan emasman xafa,
Shoirlik unvoni baxtimdan tuhfa!..
MAQSUD SHAYXZODA
Topshiriq. Topishmoqlarni o‘qing va yod oling. Fe’l so‘z turkumiga oid bo‘lgan so‘zlarni aniqlang.
Bodomcha bodomcha bilan,
Yetti kalit tom bilan.
Ne ko‘zi bor, ne og‘zi bor,
So‘ylashadi odam bilan.
(Kitob)
Erta bilan to‘rt oyoqlab yuradi,
Tushda uch oyoqlab yuradi.
Kechqurun uch oyoqlab yuradi.
(Odam – bolaligi, yigitligi, keksaligi)
Kunduzi tayoqlashar,
Kechasi quchoqlashar.
(Kipriklar)


20-MAVZU: “SALOMATLIK – TUMAN BOYLIK”. FE’LLARNING O‘TGAN ZAMONDA TUSLANISHI
Salomatlik - tuman boylik.
O‘zbekiston mustaqillikka erishgach, eng birinchi navbatda boshlangan islohotlar qatoriga sog‘liqni saqlash sohasini tubdan yaxshilash tadbirlariga kirishildi.
Sog‘lom kishi deganda faqat jismoniy sog‘lomlikni emas, balki sharqona axloq-odob va umumbashariy g‘oyalar ruhida kamol topgan insonni tushunamiz.
Odamlarda bebaho boylik bo‘lgan o‘z sog‘ligini saqlashga to‘ri va mas'uliyatli munosabatda bo‘lishi, o‘z hayot faoliyatini oqilona tashkil qilish, salomatlik uchun zararli va xatarli odatlardan voz kechish, jismoniy va ruhiy jihatdan uyg‘un kamol topishga yo‘naltirishdir. Har bir sog‘lom inson giyohvandlikka, chekishga, yuqumli kasalliklar, jumlasidan sil kasalligi va SPID tarqalishiga qarshi kurashishi lozim.
Hammaga yaxshi ma'lumki, bemor odam na hayot lazzati, balki oddiy taom lazzatini ham tatib ko‘ra olmaydi. Bas, shunday ekan O‘zbekiston Xalqining va O‘zbekistonda istiqomat qiladigan har bir insonning sog‘ligini mustahkamlash, soglom hayot tarzini har tomonlama joriy etish,har bir fuqaroda sog‘lom turmush ko‘nikmalarini tarbiyalash va uni singdirish asosiy vazifalardandir.
Yurt boyligi hisoblangan inson salomatligi, avvalo, insonning o‘ziga bog‘liq bo‘lsa, ikkinchidan jamiyat va davlat muassasalarining qanday ishlayotganligiga bog‘liqdir.
Lug‘at
islohot - реформа
оdob - воспитанность
zararli - вредный
xatarli - опасный
yuqumli - заразный,инфекционный
muassasa - учреждение