O’zbеkiston rеspublikasi oliy va o’rta maxsus ta'lim vazirligi samarqand davlat universiteti Pedagogika fakultеti Boshlang`ich ta'lim metodikasi kafеdrasi

3- usul ham xuddi shunday bajariladi.
224. 45+4=(40+5)+4=40+(5+4)=49 hisoblash usulining asosida qanday xossa yotadi? Qanday bilim, ko'nikma va malaklar berilgan usulning asosi hisoblanadi?
225. 30+24; 25+3 hollari uchun hisoblash usulini mustahkamlash uchun o'qituvchi quyidagi topshiriqlardan foydalandi:

1. Misolning yechilishini tushuntiring.

63+7=(60+3)+7=60+(3+7)=70
2. Misolni tushuntirish bilan yeching: 58+2, 40+26.
3. Misollarni yeching:
24+6= 40+38=
38+20= 35+14=
4. Namunadan foydalanib, hisoblashlarni tugating;
73+7=80 62+8=__ 32+6= _
3 +7=10 2+ = . . . .
70+10=80 . . . . . . . .
Shu maqsadda yana qanday topshiriq turlaridan foydalanish mumkin?
226. Quyidagi mavzu bo'yicha «Qo’shish va ayirish. 30+24; 24+30» mavzusining yangi materialini tushuntirishga doir dars lavhasini tuzing.
1) Og’zaki mashqlar.
2) O'quvchilarni yangi materialni o’rganishga tayyo1rlaydigan mustaqil ish.
3) Yangi mavzuni o'rganish (ko'rgazmali qurollar bilan ishlash, darslikda berilgan rasmni tahlil qilish).
4) Yangi mavzuni mustahkamlash (mos mashqlar).
Darsda o’qituvchi rahbarligidagi ish va o’quvchilarning ishi qo'llaniladi.
Tuzilgan darsni unda qo’llanilgan o’qitishning metod va usullari nuqtai nazaridan taxlil qiling.
227. Yangi mavzuni o’rganishga doir dars lavhasini tuzing. Mavzu «Yigindidan sonni ayirish». Quyidagi reja tavsiya etiladi:
1. Og’zaki hisob. 100 ichida qo'shish va ayirishning hisoblash malakalarini mustahkamlash.
Yangi mavzuni tushuntirish. O'qitishning ko’rgazmali metodini (namoyish materiali va darslikdagi rasm bilan ishlash) va suhbatni qo’llash mumkin. Keyin o'quvchilar o'qituvchi rahbarligida misollarni usullar bilan yozadilar.
Berilgan xossaga doir bilimlar quyidagi misollarda mustahkamlanadi: (6+3)-2= , (6+4)-2= , (10+4)-5= .
O’quvchilarning mustaqil ishi.
228. 36-20; 36-2 hollari uchun hisoblash usulini o’rganishdan oldin o’qituvchi jadvalli qo’shish va ayirishni, sonni qo'shish va ayirishni takrorlashni rejalashtiradi. O'qituvchining rejasini to’ldiring va mos mashqlar tanlang.
229. 36-20; 36-2 hollari uchun hisoblash usulini shakllantirishning qanday bosqichida har bir topshiriqni taklif qilish maqsadga muvofiq?
1. Misollarni va ularni yechish usullarini tanlang: 45+3= , 45-3=.
2. Misollarni yeching:18+30, 42+50, 25+4, 39-7, 18-20, 45-30
3. Xona qo'shiluvchilar yig’indisi bilan almashtiring.28= , 34= , 99= , 86= ,.
4. Qulay usul bilan yeching: (30+6)-4= , (50+6)-30= .
5. Yechimini tushuntiring: 84-40=(80+4)-40=(80-40)+4=44.
6. Namuna bo’yicha amallarni bajaring:
94-50=__ 87-40=__
90-50=
40+4= ...
230. 30-8, 40-7, 50-6 hollari uchun hisoblash usulining xususiyati nimada?
Ushbu hisoblash usuli bilan tanishtirish tayyorgarlikda o’quvchilarga qanday mashqlarni taklif qilish maqsadga muvofiq?
Quyidagilardan foydalanib, shu maqsadda topshiriqlarni tanlang.
A) Qo'shishning ko’rgazmali vositalari;
B) Yechishning berilgan namunasi;
D) Misollarni tushuntirish bilan yeching;
231. O'qituvchi o’quvchilarga topshiriq taklif qildi: «45-30, 45-3, hollari uchun hisoblash usullarining o'xshash va farq tomonlari nimada?» Topshiriq qanday maqsadda berilgan? Agar o'quvchilar topshiriqning savollariga javob berishga qiynalishsa, siz qanday suhbat o'tkazgan bo’lardingiz?
232. 100 ichida qo'shish va ayirishning hisoblash usullarini shakllantirishda qanday misollarni taqqoslash maqsadga muvofiq? Nima uchun? 67-4, 67+4, 67+20, 67-40, 67+2.
233. Bolalarga topshiriq taklif qilindi: Misollarni 2 ta ustunga yozing. Har bir ustundagi misollar yechish usuli bilan o'xshash bo’lsin. Ushbu misollarni yeching:
58+2 46-30 58+20 36+20
60-20 41+7 19-5 70-8
Bu topshiriq qanday maqsadda berilgan?
234. «Songa yig’indini qo’shish» mavzusi bo'yicha yangi mavzuni o’rganishga doir dars lavhasining 2 ta varianti bilan tanishing. Birinchi yoki ikkinchi variantni tanlashning asosi bo'lib nima xizmat qiladi?