O‘zbekiston respublikasi oliy va o‘rta maxsus ta’lim vazirligi samarqand veterinariya meditsinasi instituti

3-jadval

Xashaki karamning «Mozgovaya zelenaya» navida ozuqa moddalar miqdori

(F. M. Tkachenko ma’lumoti).

Tarkibiy qismi	Miqdori, %		Tarkibiy qismi	Miqdori, %
Suv	84,0		Kletchatka	2,3
Protein	2,5		Azotsiz ekstraktiv moddalr	8,8
Oqsil	1,7
Yog’lar	0,5		Kul	1,9

Ko’k ozuqaning bir kilogrammida 4,1 g kalsiy, 0,6 g fosfor, 30-60 mg karotin va vitaminlardan V₁ 0,7 mg, V₂ 0,5 mg, Ye 2,0 mg, RR 2,9 mg bo’ladi.

Karam tarkibidagi ozuqa moddalarining hazmlanish koeffisiyenti yuqori. I. S. Popov va M. F. Tomme ma’lumoti bo’yicha hazmlanish koeffisiyenti: kletchatka uchun 71, protein 72, yog’lar 57 va AEM 80 % ni tashkil etadi.
Boshqa shirali ozuqalardan farqli ravishda xashaki karam oqsil bilan balanslangan ozuqa beradi. Ko’k massasining 100 kilogrammida 16 ozuqa birligi va 1,8 kg hazmlanadigan protein bo’ladi yoki 1 ozuqa birligiga 110-115 gr hazmlanadigan protein to’g’ri keladi.
Hamma turdagi chorva hayvonlari va parrandalar karam ko’k o’ti hamda silosini xush ko’rib yeydi.
Karam silosi yoqimli hid va rangga ega bo’ladi. Tarkibida o’rtacha: 89 % suv, 2,3 % protein, 1,1 % oqsil, 0,5 % yog’lar, 1,4 % kletchatka, 5,27 % azotsiz ekstraktiv moddalar va 1,17 % kul moddalari bor. 1 kg silosiga 2,6 g kalsiy, 0,4 g fosfor va 20 mg karotin to’g’ri keladi. Xashaki karam serhosil ekindir. U ekilgan maydonning har gektaridan, to’g’ri agrotexnika qo’llab o’stirilganda, 100 va undan ortiq tonna ko’k massa hosili olish mumkin.