O‘zbekiston respublikasi oliy va o‘rta maxsus ta’lim vazirligi samarqand davlat universiteti filologiya fakulteti

Topshiriq. Quyidagi hadislarni o'qing va tahlil qiling.
1. Ishni puxta va chiroyli bajaruvchi odamni Tangri do'st tutadi. 2. Uch kundan ortiq arazlashib yurish islomda yo'q. 3. O'lib ketganlarni yomonlab haqorat qilmanglar, chunki ular qilmishlariga yarasha mukofot yoki jazo oladigan joyga ketganlar. 4. Uylaringizdagi yonib turgan o'tni o'chirmasdan uyquga ketmanglar! 5. O‘q otish mashqida jonli narsani nishon qilib qo'ymanglar! 6. Kimki birovga yomonlik qilsa, shu dunyoning o'zidayoq jazosini ko'radi. 7. Rahm qilmaganga rahm qilinmaydi, kechirmaganni kechirilmaydi va birovning uzrini qabul qilmaganning tavbasi ham qabul qilinmaydi. 8. Biror kasbu hunar orqasidan rizqu nasibaga ega bo'lib yashayotgan odam, shu kasbni beuzr o'zgartirmasin! 9. Kimki ota-onasining roziligini olgan bo'lsa, unga qanday yaxshi! Tangri uning umrini uzaytiradi. 10. Kimki birovning yozayotgan yoki kelgan xatini beruxsat o'qishga intilsa, go'yoki u do'zaxga intilgan bo'ladi.
Topshiriq. Matnni o‘qing va matn mazmunini izohlang. Zid ma’noli so‘zlarni toping va daftaringizga husnixat bilan ko‘chiring.
“TOSHBAQA BILAN CHAYON”
Toshbaqa bilan chayon do‘st edilar. Bir kun ular safarga otlandilar. Nogoh yo‘lda bir anhorga duch keldilar. Chayon o‘ta olmasligini sezib, hayron bo‘lib to‘xtadi. Toshbaqa dedi: — Ey aziz do‘stim, senga nima bo‘ldi, g‘amgin bo‘lib turibsan? Chayon dedi: — Birodar, men bu suvdan qanday o‘taman, — deb hayronman. Toshbaqa dedi: — G‘am еma, orqamga mindirib, seni suvdan bexatar o‘tkazib qo‘yaman. Toshbaqa chayonni orqasiga mindirib, suvga tushdi. Suzib borayotganida uning qulog‘iga bir narsaning tiqirlagani eshitildi va chayonning harakatidan shubhalanib so‘radi: — Eshitayotganim qanday ovoz — nima qilyapsan? Chayon javob berdi: — Nishimni sening qalqoningga sanchib ko‘rayapman. Toshbaqa dedi: — Men o‘zimni girdobga tashlab, seni suvdan bexatar o‘tkazmoqchi bo‘lsam-u, sen orqamga nish ursang. Bilasanki, nayzang mening qalqonimga zarar еtkazolmaydi. Chayon dedi: — Mening odatim xoh do‘st orqasiga, xoh dushman siynasiga bo‘lsin, nish urishdan iborat. — Donishmandlar yomonga yaxshilik qilma, deb bekorga aytmaganlar. Shunday deb, toshbaqa suvga sho‘ng‘idi, chayon esa suvga tushib, halok bo‘ldi.
Gulhaniy
Topshiriq. Matnni o‘qing va siz ham qo‘l, bosh kabi tana a’zolarining harakati orqali turli xalqlarning salomlashish madaniyatini ko‘rsatib bering.