O’zbekiston respublikasi oliy va o’rta maxsus ta’lim vazirligi samarqand davlat universiteti djumanov Olim Isroilovich kompyuter tarmoqlari samarqand davlat universiteti ilmiy kengashi Tomonidan 5330600 -dasturiy injiniring

Birinchi tamoyilda tarmoqning dasturlashtirilgan ta‘minoti kо’pgina foydalanuvchilarga hamma kirishi mumkin bо’lgan bosh kompyuter resurslarini taqdim etishga mо’ljallangan. U fayl-server deb yuritiladi. Bosh kompyuterning asosiy resursi fayllar bо’lgani uchun u shu nomni olgan. Bu dasturli modullar yoki ma‘lumotlarga ega fayllar bо’lishi mumkin. Fayl-server - bu serverning eng umumiy turi. Shunisi qiziqki, fayl-serverini disk hajmi odatdagi kompyuterdagidan kо’p bо’lishi kerak, chunki undan kо’pgina kompyuterlarda foydalaniladi.
Tarmoqda bir qancha fayl - serverlar bо’lishi mumkin. Tarmoqdan foydalanuvchilarning birgalikda foydalanishiga taqdim etiladigan fayl-serverning boshqa tur serverlarini sanab о’tish mumkin. Masalan: printer, modem, faksimil aloqa uchun qurilma. Fayl-server resurslarini boshqaruvchi va kо’pgina tarmoq foydalanuvchilari uchun ruxsat beruvchi dasturiy tarmoq ta‘minoti tarmoqning operatsion tizimi deb ataladi. Uning asosiy qismi fayl-serverda joylashadi; ishchi stansiyada faqat resurs va fayl-server orasidan murojaat qilinadigan dasturlar oralig’idagi interfeys rolini bajaruvchi uncha katta bо’lmagan qobiq joylashtiriladi.
Ushbu tamoyil doirasida ishlashga mо’ljallangan dastur tizimlari foydalanuvchiga fayl-serverdan foydalanish imkonini beradi. qoida bо’yicha ushbu dasturli tizimlar faylserverda saqlanishi va barcha foydalanuvchilar tomonidan bir vaqtda foydalanilishi mumkin. Lekin bu dasturlarning modullarini bajarish uchun zarur bо’lganda foydalanuvchi kompyuteriga ya‘ni ishchi stansiyasiga о’tkaziladi va kerakli ishni bajaradi. Bunda barcha ma‘lumotlarni qayta ishlash (agar ular umumiy resurs bо’lsa va faylli serverda saqlanayotgan bо’lsa ham) foydalanuvchining kompyuterida amalga oshiriladi. Shubhasiz buning uchun ma‘lumotlar saqlangan fayllar foydalanuvchining kompyuteriga kо’chirilishi kerak.