O’zbekiston Respublikasi Oliy va O’rta Maxsus Ta’lim Vazirligi Samarqand Davlat Chet tillar Instituti Roman-German tillari fakulteti Ismoilova Ma’mura Mikromatnda o’rin holi va uning deyktik hodisalarini qiyosiy sintaksem tadqiqi

Tadqiqot obyekti va predmeti. Ingliz va o’zbek tillarida lokativlik o’rnida kelgan unsurlarning differentsial sintaktik va semantic qiyoslanishi tadqiqot obyektini tashkil etadi. Tadqiqotning predmeti esa gap tarkibida ishtirok etgan sintaktik belgilardan lokativlik vazifasida kelgan unsurlarning qardosh bo’lmagan tillar misolida tipologik jihatdan qiyosiy tasniflanishini o’z ichiga oladi.

Tadqiqotning metadalogik va nazariy asoslari. Bitiruv malakaviy ishining nazariy va umummetadalogik asosini milliy istiqlol mafkurasi g’oyalari,Prizidentimiz I.A.Karimovning asarlari,”Ta’lim to’g’risidagi qonun” va “Kadrlar tayyorlash Milliy dasturi” orqali belgilangan vazifalar hamda fan va texnikani rivojlantirishga doir meyoriy hujjatlar tashkil etadi.Shuningdek tadqiqotning nazariy aspektlari bo’yicha V.D. Arakin, E.Benvenist, V.G.Gak, B.A.Il’ish,I.I.Meshaninov,T.Milavskiy,A.Martine kabi jahon tilshunoslarining qiyosiy tipalogik,semantika, grammatika, umumiy va amaliy tilshunoslikka oid ishlari, tilshunoslikka doir muayyan konsepsiyalar bo’yicha A.A.Abduazizov, M.A.Abdurazzoqov, D.U.Ashurova, A.M.Bushuy, J.B.Buronov, Sh.Safarov, .I.Rasulova, U.Q.Yusupov, G’.M.Xashimov, S.R.Rahimov, O’.U.Usmonov va shu kabi olimlarning hamda o’zbek tilshunosligida G’.A.Abdurahmonov, M.Asqarova, A.G’ulomov, A.Xojiyev, N.K.Turniyozov, N.M.Maxmudov, X.G’.Ne’matov, A.Nurmanov va boshqalarning ishlari,ularning ilmiy qarashlari,mulahozalari asos bo’lib xizmat qiladi.