O‘zbekiston respublikasi oliy va o‘rta maxsus ta’lim vazirligi qarshi muhandislik-iqtisodiyot instituti muhandislik texnikasi fakulteti

O‘ZBEKISTON RESPUBLIKASI OLIY VA O‘RTA MAXSUS TA’LIM VAZIRLIGI QARSHI MUHANDISLIK-IQTISODIYOT INSTITUTI

MUHANDISLIK TEXNIKASI FAKULTETI

“QISHLOQ XO‘JALIGINI MEXANIZATSIYALASHTIRISH VA SERVIS” KAFEDRASI

5111000 - Kasb ta’limi: (qishloq xo‘jaligini mexanizatsiyalashtirish) bakalavr ta’lim yo‘nalishi

KT(QXM)-160-17 guruh talabasi

Samidjonova Oydinoy Salimjon qizining

BITIRUV MALAKAVIY ISHI

Mavzu: “Chizel-kultivator o‘g‘itlagichi soshnigini takomillashtirish” mavzusini pedagogik texnologiyalar asosida o‘qitish uslubiyotini yaratish

BMI rahbar: t.,f.,d., Z.L.Batirov

Kambag’allikni qisqartirish va qishloq aholisi daromadlarini ko’paytirishda eng tez natija beradigan omil – bu qishloq xo’jaligida hosildorlik va samaradorlikni keskin oshirishdir. Buning uchun qishloq xo’jaligiga eng ilg’or texnologiyalar, suvni tejaydigan va biotexnologiyalarni, urug’chilik, ilm-fan va innovatsiyalar sohasidagi yutuqlarni keng joriy etishimiz lozim. Sh.M.Mirziyoyev

Qishloq xо‘jaligida mineral о‘g‘itlarni о‘simliklar ildizlari tarmoqlanadigan qatlamga belgilangan miqdorda solish texnologiyasi va texnika vositalarini ishlab chiqarish yetakchi о‘rinni egallamoqda. «Respublikamizda qishloq xо‘jaligi ekinlari 118 mln. gektar maydonda pushtaga ekilishini hisobga olsak», pushta olish bilan bir vaqtda mineral о‘g‘itlarni о‘simlik ildiz tizimi rivojlanadigan qatlamga solishni amalga oshiradigan texnika vositalarini ishlab chiqish muhim vazifalardan hisoblanmoqda. Respublikamiz qishloq xо‘jaligi ekinlarini yetishtirishda mehnat va energiya sarfini kamaytirish, resurslarni tejash, yerlarni ilg‘or texnolo-giyalar asosida ekishga tayyorlash va yuqori unumli qishloq xо‘jalik mashinalarini ishlab chiqish yuzasidan keng qamrovli chora-tadbirlar amalga oshirilib, jumladan dalalarni ekishga tayyorlashda pushta olish va bir vaqtda mineral о‘g‘itlarni qatlamlab solish orqali kam energiya sarflab, barcha texnologik jarayonlarni sifatli bajarilishini ta’minlaydigan texnika vositalarini ishlab chiqishga alohida e’tibor qaratilmoqda. Ushbu vazifalarni amalga oshirishda, jumladan mineral о‘g‘itlar sarfini tejash hisobiga qishloq xо‘jalik ekinlarining tannarxini pasaytirishni ta’minlaydigan, pushta olish bilan bir vaqtda mineral о‘g‘itlarni qatlamlab soladigan kombinatsiyalashgan mashinalarni texnik va texnologik jihatdan takomillashtirish muhim masalalardan biri hisoblanadi.