O’zbekiston respublikasi oliy va o’rta maxsus ta’lim vazirligi qarshi muhandislik-iqtisodiyot instituti

Amaliy mashg’ulot № 9.
Mаvzu: Mutaxassisliklarga ixtisoslashgan tizimlar va dasturlar yordamida soha masalalarini yechish
Ishning mаqsаdi. MathCAD dаsturlаsh tilidа ishlаsh hаqidа qisqаchа nаzаriy mа’lumоtlаr vа mаtеmаtik funksiyalаr bilan ishlash ko‘nikmаlаrini hоsil qilish.
I. Tavsiyalar va uslubiy ko‘rsatmalar:
1. MathCAD tizimi va unung vazifalari
2. MathCAD tizimi va unung imkoniyatlari
3. MathCAD tizimi interfeysi tavsifi
4. MathCAD da ishlashning asosiy usullari
1. MathCAD tizimi va unung vazifalari. Mathcad bu matematikaning turli sohalaridagi masalalarini yechishga mo‘ljallangan ajoyib sistemadir. Dasturning nomlanishi ikkita so‘zdan iborat bo‘lib – MATHematika ( matematika) va CAD ( avtomatik loyihalash sistemasi).
MathCAD dasturiy vositasi. Hozirgi vaqtda komp’yuterlarda ilmiy-texnikaviy hisoblashlarni bajarishda odatdagi dasturlash tillaridan va elektron jadvallardan emas, balki Mathematica, MatLab, Maple, MathCAD, Gauss, Reduse, Eureka va boshqa turdagi maxsus matematik dasturiy vositalardan keng foydalanilmoqda.
Matematik paketlar, ayniqsa MathCAD - yuqorida sanab o‘tilgan ro‘yxat ichida eng mashhur paket bo‘lib, ilmiy-texnikaviy soha mutaxassislariga dasturlashning nozik elementlariga e’tibor berilmasdan (masalan: fortran, C, Pascal, JAVA, BASIC va boshqalar kabi) komp’yuterda matematik modellashtirishni amalga oshirishga katta yordam beradi.
2. MathCAD tizimi va unung imkoniyatlari
Matematikada ifodalar, formulalar qanday yozilsa MathCAD tizimida ham xuddi shunday, o‘zgarishsiz, tabiy ko‘rinishda yoziladi. Mathcad yordamida formulalar faqatgina chiroyli yozilmasdan balki ixtiyoriy masalani sonli yoki belgili yechish imkoniyatiga ega. Mathcad o‘zining yordamchi sistemasiga egadir. Har qanday tenglama atrofida ixtiyoriy matnni joylashtirish mumkin, bu esa hisoblash jarayonini izohlash uchun juda zarurdir.