O‘zbekiston respublikasi oliy va o‘rta maxsus ta’lim vazirligi pedagogik innovatsiyalar, professional ta’limi boshqaruv hamda pedagog kadrlarni qayta

1. O‘quv dasturiga qo‘yiladigan talablar

O‘quv dasturining nomi	Farmakologiya va reseptura
Ajratilgan soat	90
Mavzular soni	13
Dasturning maqsadi	«Farmakologiya va reseptura » fani tibbiyot yo‘nalishida tayyorlanadigan kasblar uchun asosiy umumkasbiy fanlardan hisoblanib, o‘quvchilarda tibbiyotga doir bilimlar hosil qiladi va tibbiyotga doir tasavvurlarini kengaytiradi. «Farmakologiya va reseptura» fanining tibbiyot amaliyotidagi o‘rnidan kelib chiqib, mavzularni o‘zlashtirish davomida dori preparatlari bilan ishlash, ularni maxsus guruhlarga ajratish, ular bilan turli kasalliklarni davolash va oldini olishda foydalanish, dorilarni saqlash, bemorlarga tez tibbiy yordam ko‘rsatish yo‘l-yo‘riqlariga tavsif berishni tashkil etadi. Farmakologik guruhlarning tasnifi, guruhlarga xos bo‘lgan farmakologik ta’sirlar, bundan tashqari dori vositalarining nojo‘ya ta’siri, ularni oldini olish va tez yordam choralarini qo‘llay olish yo‘llarini, resept yozishni o‘rgatadi. Kasalliklarni oldini olish va davolash uchun tibbiyot xodimlari dorilarni dozalari va qo‘llash usullarini juda yaxshi bilishlari kerak.
O‘zlashtirish (o‘qitish) natijalari	Farmakopeya haqida tushuncha; Farmakokinetika va farmakodinamika; Farmakologik effekt; Biologik namunalash; Markaziy va periferik asab tizimiga ta’sir qiluvchi dori vositalar; Nafas organlari faoliyatiga ta’sir qiladigan dori vositalari; Yurak-tomir sistemasiga ta’sir qiladigan dori vositalari; Diuretik vositalar; Hazm a’zolari sistemasiga ta’sir qiladigan dori vositalari; Miometriy tonusiga va qisqaruvchanligiga ta’sir qiladigan dori vositalar; Qon sistemasiga ta’sir qiladigan dori vositalar; Modda almashinuvi jarayoniga ta’sir qiladigan dori vositalar; Allergiyaga va yallig‘lanishga qarshi dori vositalar mavzulari bo‘yicha bilim, malaka, ko‘nikma va shaxsiy fazilatlarni shakllantirish.
Bilim	Farmakologiya fani va uning boshqa fanlar bilan bog‘liqligi; Dori shakllari va ularning tasnifi; Dori miqdori belgilari; Reseptning tuzilishi, shakllari va yozish qoidalari; Dori moddalarining organizmga ta’sir etishda reseptorlarning funksiyasi; Dori moddalarining o‘zaro ta’siri va mos kelish - kelmasligi; Dori moddalardan o‘tkir zaharlanishda davolash usullarini biladilar.
Ko‘nikma	Tibbiyot bo‘limlarida dori moddalarini saqlash va berish; Resept yozish; Dori vositalarini qo‘llash; Dori vositalarining nojo‘ya ta’siri; Ularni oldini olish; Tez yordam choralarini qo‘llay olish ko‘nikmalarga ega bo‘ladilar.