O’zbekiston respublikasi oliy va o’rta maxsus ta’lim vazirligi o’zbekiston respublikasi sog’liqni saqlash vazirligi tibbiy ta’limni rivojlantirish markazi

Statistik tadqiqotlar o’tkazish uchun ayrim xollarda kuzatuvlar soni 
10000, 100000 ni tashkil etishi mumkin, ba’zan esa 1000, 100, 10 taga teng 
bo’lgan kuzatuvlar soni tadqiqot o’tkazish uchun yetarli bo’lishi mumkin.
Statistik tadqiqot o’tkazish uchun yetarli bo’lgan kuzatuvlar sonini, olingan 
natijalarning ishonchlik darajasini aniqlash uchun matematik taxlil usuli va unda 
qo’llaniladigan formulalardan foydalaniladi. 
Tibbiyot va sanitariya statistikasida matematik taxlil usullari quyidagi 
hollarda qo’llaniladi:
1.Tanlab olingan majmua qo’llanilgan barcha tadqiqotlarda. 
2.Kuzatuv natijalarini nisbiy va o’rtacha qiymatlarda ifodalash va statistik 
tahlil qilish talab etilganda. 
3.Barcha klinik va laboratoriya sharoitida o’tkaziladigan tadqiqotlarda 
(nisbatank kichik kuzatuvlar soniga ega bo’lganda). 
Yuqorida keltirilgan va ayrim boshqa hollarda matematik tahlil usullarini 
qo’llamasdan turib, statistik tadqiqotni to’g’ri rejalashtirish, tashkil etish va 
olingan natijalarni ishonchliligini baholash mumkin emas. 
Xullas shifokor o’z amaliy va ilmiy faoliyatida, ilmiy asoslangan tanlov va 
hisoblash usuli bo’lgan matematika-statistik usullardan foydalanish, ijtimoiy-
gigienik tadqiqotlarni muvaffaqiyatli o’tkazish va aholi salomatligining o’zgarishi 
haqidagi qonuniyatlarni ochib berish, ularga tashqi muhit ta’sirini aniqlash va 
o’tkazilgan tadqiqotlar yordamida aholi yoki uning ayrim guruhlari (ishchilar, 
onalar, bolalar, o’smirlar, fahriylar va boshqalar) salomatligini yanada yaxshilash 
borasida aniq chora-tadbirlar ishlab chiqish imqonini beradi.