O‘zbekiston respublikasi oliy va o‘rta maxsus ta’lim vazirligi oliy ta’lim tizimi pedagog va rahbar kadrlarini qayta tayyorlash va ularning malakasini oshirishni tashkil etish bosh ilmiy metodik markazi

Modulning maqsadi va vazifalari

“Innovatsion ta’lim texnologiyalari va pedagogik kompetentlik”modulining maqsadi: pedagog kadrlarni qayta tayyorlash va malaka oshirish kurs tinglovchilarini innovatsion ta’lim texnologiyalari, o‘qitishning innovatsion shakl, metod va vositalari, pedagogik kompetentlik sifatlari hamda ta’lim jarayonini tashkil etishga kreativ yondashishga doir bilimlarini takomillashtirish asosida ular tomonidan innovatsion yondashuv, pedagogik kompetentlik sifatlari va kreativ qobiliyatning samarali o‘zlashtirilishi uchun zarur shart-sharoitni yaratish.

“Innovatsion ta’lim texnologiyalari va pedagogik kompetentlik”modulining vazifalari:

• 
  innovatsion ta’lim texnologiyalarining o‘ziga xosliklari va qo‘llanilish sohalarini aniqlashtirish;
  
• 
  tinglovchilarda innovatsion xarakterga ega pedagogik faoliyatni tashkil etish;
  
• 
  ularda pedagogik jarayonni samarali tashkil etishda turli innovatsion ta’lim texnologiyalari: amaliy o‘yinlar, muammoli o‘qitish, interfaol ta’lim, modulli-kredit tizimi, blended learning (aralash o‘qitish), case study (keys stadi), masofali o‘qitish, mahorat darslari, vebinar va assesment texnologilaridan o‘rinli, maqsadli foydalanish ko‘nikma-malakalarini rivojlantirish;
  
• 
  tinglovchilarning o‘quv loyihalarini ishlab chiqish, portfoliolarni shakllantirish va amaliyotga tatbiq etish malakalarini takomillashtirish;
  
• 
  tinglovchilarda pedagogik kompetentlik sifatlarini yanada rivojlantirish;
  
• 
  OTM pedagoglarida o‘quv mashg‘ulotlari, ma’naviy-ma’rifiy tadbirlarni tashkil etishga kreativ yondashish ko‘nikma-malakalarini takomillashtirish.