Agrosanoat majmui – aholini oziq-ovqatga va yengil sanoatni xom ashyoga bo’lgan extiyojlarini qondirish muammolarini hal qilish bo’yicha iqtisodiy va tashkiliy jihatdan bir maqsad uchun birlashgan tarmoqlar to’plamini bildiradi.
Agrosanoat majmui pirovard mahsulotning qiymati (ASMPMQ) - qishloq xo’jaligida yaratilgan sof mahsulot qiymatidan (SMQQ/X), oziq-ovqat, yengil sanoat tarmoqlari sof mahsuloti qiymatining (SMQO/O.Ye) bir qismidan, shuningdek, transport, aloqa va muomila sohalari sof mahsuloti qiymatining (SMQT.A.M.) bir qismidan tashkil topadi.
Aylanma vositalar - aylanma vositalar, ishlab chiqarish jarayonida bir marta ishtiroq etib, o’zlarining shakllarini o’zgartiradi va bir vaqtning o’zida o’z qiymatlarini yangidan yaratilgan mahsulot qiymatiga to’liq o’tkazadi. Misol uchun, urug’lik, yem, yoqilg’i moylash materiallari, o’g’it va boshqalar shular jumlasiga kiradi.
Almashuv qiymat- bir tovarning ikkinchi tovarga ayirboshlanishi xususiyatiga uning almashuv qiymati deyiladi. Ikki tovar mahsulotining o’zaro ayirboshlanishi ularni bir-biri bilan tenglashishini bildiradi.
Do'stlaringiz bilan baham: |