O’zbekiston respublikasi oliy va o’rta maxsus ta’lim vazirligi o. Murtazayev, F. Axrorov qishloq xo’jaligi

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI

O.Murtazayev, F.Axrorov
QISHLOQ XO’JALIGI

IQTISODIYOTI

Qishloq xo’jaligi oliy o’quv yurtlarining

5230100 – “Iqtisodiyot” ta’lim yo’nalishi

talabalariga mo’ljallangan

TOSHKENT – 2017

O.Murtazayev,F.Axrorov. Qishloq xo’jaligi iqtisodiyoti. Darslik. Toshkent, 2017.- 414 bet.
O’zbekistonda davlat va jamiyatni isloh etish hamda modernizasiya qilishdagi «o’zbek modeli»ning muhim tarkibiy qismi bo’lgan bosqichma-bosqichlikning mantiqiy negizi respublikada «Kadrlar tayyorlash Milliy dasturi» tamoyillarida o’z ifodasini topgan.

Darslik mamlakatimizda amalga oshirilayotgan ushbu ezgu niyatlarni samarali yo’llar orqali olib borishga qaratilganligi bilan ahamiyatlidir. Mazkur darslikda iqtisodiyotning umumiy masalalari, tovar-pul munosabatlari, mulkchilik, xususan, xususiy mulkchilik, uning shakllanishi, resurslar salohiyati, ularni baholash va oqilona foydalanish, ishlab chiqarish samaradorligining umumiy masalalari, investisiya va kapital qo’yilmalar, shuningdek, dehqonchilik va chorvachilik tarmoqlari iqtisodiyotining dolzarb muammolarini o’rganish xususiyatlari va tarmoq oldida turgan muammolar to’liq yoritilgan.

Darslik oliy va o’rta maxsus ta’lim tizimida iqtisodiyot, boshqarish, moliya, buxgalteriya hisobi va audit hamda dehhonchilik va chorvachilik sohasidagi texnologlar: agronom, zootexnik, agrar sohani mexanizasiyalash bo’yicha muhandislar, yer tuzuvchi mutaxassislar tayyorlovchi o’quv yurtlari va fakultetlarida foydalanish uchun tavsiya etiladi. Shuningdek, magistrlar, katta ilmiy xodim izlanuvchilar, ilmiy xodimlar, xo’jalik yurituvchi subyekt rahbarlari, mutaxassislari uchun ham foydadan holi emas.

Ushbu darslik O’zbekiston Respublikasi Oliy va o’rta maxsus ta’lim vazirligida tasdiqlangan Davlat ta’lim standarti, o’quv rejasi va fanning namunaviy dasturi asosida tayyorlanib, O’zbekiston Respublikasi oliy o’quv yurtlariaro ilmiy-uslubiy birlashmalar faoliyatini muvofiqlashtiruvchi Kengash hay’atida darslik sifatida chop etishga tavsiya qilingan.

Ma’sul muxarrir: i.f.d., professor O.Murtazayev