Uchinchidan, qishloq xo’jaligi ishlab chiqarishi mamlakat og’ir sanoatining rivojlanish sur’atiga va darajasiga samarali ta’sir ko’rsatadi. Qishloq xo’jaligi yirik miqdorda ishlab chiqarish vositalarini iste’mol qilgani holda traktor, meliorativ va qishloq xo’jalik mashinasozligi, kimyo sanoati, ayniqsa mineral o’g’it ishlab chiqarishga faol ta’sir ko’rsatadi. Hozirgi vaqtda qishloq xo’jaligi mahsulotini ishlab chiqarishga ketadigan material xarajatlarning asosiy qismini sanoat yetkazib beradigan ishlab chiqarish vositalari (yoqilg’i-moylash materiallari, zahira qismlar, mineral o’g’it, omuxta yem, asosiy vositalar amortizasiyasi va boshqalar) tashkil qiladi. 2012 yilga kelib 3099,2 mlrd.so’mlik yoqilg’i, 1173,4 mlrd. so’mlik elektr energiyasi, 424,2 mlrd. so’mlik kimyo va neft-kimyo sanoati, 1091,9 mlrd. so’mlik mashinasozlik va metalga ishlov berish sanoati mahsulotlari ishlab chiqarilgan.
Do'stlaringiz bilan baham: |