O‘zbekiston respublikasi oliy va o‘rta maxsus ta’lim vazirligi o `zbekiston respublikasi qishloq xo`jaligi vazirligi

Qo’lachokli ozuqa-yuvgich panjarali vanna (8) va vint shak­lida joylashgan kurakli val (10)dan iborat (41-chizma). Vanna tarnov shaklida metall, beton yoki taxtadan uzunligi 3260 va kengligi 1400 mm qilib yasaladi. Vanna uzunligi bo‘ylab tosh ushlash, loydan tozalash va tayyor mahsulotni saqlash seksi­yalariga bo‘lingan. Vanna har bir kg lavlagiga 0,6–0,8 l suv hi­sobida to‘ldirilib, lavlagi bilan yuklanadi. Yuvish jarayoni lav­lagilarni val atrofida aylanishi va siljishi jarayonida yuz bera­di. Yuvilgan lavlagilar chiqish darchasi orqali ishlovni davom ettirishga yuboriladi.
Baraban ko‘rinishidagi yuvgich plankali baraban – ishchi organi bilan ta’minlangan. Lavlagilar suvli vannaning yuqo­ri qismidan yuklanib baraban bo‘ylab harakat qiladi va o‘tgan yo‘lida loydan tozalanadi. Loy vanna ostiga cho‘kib, tozalan­gan lavlagi esa chiqarish darchasini ichki devoriga o‘rnatilgan kurakli baraban yordamida tashqariga chiqariladi. Bu mayda­lagichlar quruq holda tozalash uchun ham foydalaniladi.

41-chizma. Qo’lachokli ozuqa yuvgich tosh ushlagichi bilan:
1–kovshli elevator; 2–yuvilgan lavlagilarni chiqarib yuborish kurakchasi; 3–to‘siqcha; 4–tosh ajratgich; 5–loy tushirish tuynugi; 6–tosh tushirish tuynugi; 7–qopqoq; 8–vanna; 9–panjarali tub.
Diskli ozuqa-yuvgich baquvvat yuvish-ishchi diski bilan disk esa sirtiga kavsharlangan burtlar bilan ta’minlangan. Lav­lagilar aylanayotgan disk bo‘rtig‘iga tegib, disk bilan aylanib hamda siltanib, harakatga keladi. Aylanma suv ta’minlagich lavlagini to‘la yuvilishini ta’minlaydi.
Shnekli ozuqa-yuvgich vannaga o‘rnatilgan shnek holatida bo‘ladi. Shnek quvur ichiga joylashib, gorizontalga nisbatan 25–90° holda bo‘ladi. Quvurning pastki qismi suvli bunker ichida joylashib, panjara shaklida bo‘ladi. Shnek aylangan­da uning o‘rami lavlagini qamrab olib shnek bo‘ylab yuqoriga yo‘naltiradi. Lavlagiga qarama-qarshi yo‘nalishda, unga vanna tindirgichidan suv yuboriladi. Loyqa vannaning tubiga cho‘kadi va vaqti-vaqti bilan maxsus darcha orqali tozalab turiladi.