O’zbekiston Respublikasi Oliy va o’rta maxsus ta’lim vazirligi Nizomiy nomidagi Toshkent Davlat Pedagogika Universiteti Boshlang’ich ta’lim fakulteti Boshlang’ich ta’lim yo’nalishi Kurs ishi Mavzu: Sinf rahbarining oila

Ota-onalar uchun maslahatlarlar o`tkazish. Maktab ma`muriyati o`quvchilarning ota-onalari bilan yaqindan aloqada bo`lish va ularni ta`lim-tarbiyaviy bilimlar bilan qurollantirib turish maqsadida ota-onalar uchun maslahatlar o`tkazadi. Haftaning bir kuni doimiy maslahat kuni, bir xonani maslahat xonasi qilib ajratib qo`yiladi. Unda ota-onalar uchun tavsiya qilingan adabiyotlarning namunalari qo`yib qo`yiladi. Maslahatlarda bolalarning sinfdan tashqari vaqtda o`qishlari lozim bo`lgan kitoblar tavsiya qilinadi, bolalarni foydali ishlar bilan shug`ullanishga o`rgatish haqida ota-onalarga maslahatlar beriladi.
Ota-onalar kengashi. O`quvchilarning ota-onalari bilan yaqindan aloqada bo`lish va ularga to`g`ri rahbarlik qilish maqsadida maktablarda ota-onalar kengashi tashkil etiladi. Ota-onalar kengashiga asosan, maktab direktori rahbarlik qiladi. Maktab direktori ota-onalar kengashining ishini yaxshi yo`lga qo`ysa, u kengash maktabning barcha ishida katta yordam beradi. Masalan, maktab yoshidagi bolalarni hisobga olishda, ularni maktabga tortishda, o`quvchilarni darslarga tizimli ravishda qatnashishlarini ta`minlashda, o`qishdan ketib qolish kabi hollarni yo`qotishda, ayrim oilaviy sharoiti og`ir bo`lgan bolalarga iqtisodiy jihatdan yordam berishda ota-onalar bilan suhbat o`tkazib, ularga umumiy-majburiy ta`lim haqidagi qonunni tushuntirishda, bolalarni maktabdan olib qoluvchi ota-onalarga mahalliy tashkilotlar, kasaba yushmalar orqali ta`sir etib, ularning bolalarini maktabga tortishda maktab ma`muriyatiga yaqindan yordam beradi. Ota-onalar kengashining asosiy vazifalaridan biri o`quvchilar bilan olib boriladigan sinfdan va maktabdan tashqi tarbiyaviy ishlarni keng yo`lga qo`yishda maktabga yordam berishdir. Maktab ota-onalar kengashi o`z zimmasiga yuklatilgan vazifalarni muvaffaqiyatli bajarish uchun faol ota-onalarga suyanib, maktab ma`muriyati sinf rahbarlari, o`qituvchilar va yetakchilar bilan hamjihat bo`lib ishlaydi.
Oilada bola bilan suhbatlashish. Oilada bola bilan suhbatlashish hamma oila a`zolarining asosiy vazifalaridan biri hisoblanadi. Ota-onaning shaxsiy namuna ko`rsatishlari oilada asosiy tarbiyaviy vositalardan biridir. Oilada bola bilan suhbatlashish uchun suhbat mavzusi va uni uyushtirish haqida ota-onalarga sinf rahbari yaqindan yordam bermog`i lozim.
Quyida esa ota - onalar majlisini tashkil qilish haqida so'z yurtiamiz.