O’zbekiston Respublikasi Oliy va o’rta maxsus ta’lim vazirligi Nizomiy nomidagi Toshkent Davlat Pedagogika Universiteti Boshlang’ich ta’lim fakulteti Boshlang’ich ta’lim yo’nalishi Kurs ishi Mavzu: Sinf rahbarining oila

K.D.Ushinskiy «Ijtimoiy tarbiyada xalq ruhi» hamda «Pedagogik adabiyot orasida»gi risolalarida Ota-ona uchun pedagogik bilim dastlab pedagogik adabiyotlar o'rganishdan boshlanadi. Bola tarbiyasidagi bilim xalq ruhi bilan sug'orilgan-xalqchilik g'oyasiga asoslangandagina ota-ona bilimdon tarbiyachilik san'atiga ega bo'la oladilar», – deyilgan.
Pedagogik bilim ota-onalar uchun nihoyatda zarur. Bu bilim maktabda, mahallada va kundalik axborot vositalari orqali berib boriladi. Lekin hayotimizdagi yangi-yangi muammolar pedagogik bilimini yanada kuchaytirishni, chuqurlashtirishni talab etadi.
Maktabdagi pedagogik bilim turli shakllarda amalga oshiriladi:

• 
  Pedagogik ma'ruza, ilmiy, metodik kengash.
  
• 
  «Savollaringizga javob beramiz» (ota-onalar kuni).
  

Bundan tashqari, ota - onalar uchun ham sinf rahbar oldida quyidagi talablar qo'yiladi yoki bularni ota - onaning sinf rahbar oldidagi vazifalari deyish ham mumkin.
1. O'qituvchi muqaddas siymo, u tarbiyalanuvchi oilasi uchun maslahatchi hamdir, uni ardoqlab obro'-e'tiboriga sadoqatli bo'lish.
2. Sinf va maktab jamoasining ta'lim-tarbiya tadbirlariga faol qatnashib taklif va mulohazalaringizni aytish.
3. Tarbiyalanuvchida nima yaxshi, nima yomon ekanligini uqtirib sharqona rasm-rusm, udum an'analarimizdan xabardor qilishda o'qituvchiga ko'makdosh bo'lish.
4. Bolaning o'quv ishlariga yordam berib borish. Unga beriladigan topshiriqlarni bajarishda ularga yordam berish.
5.Bolada maktab, sinf, o'qituvchi va o'rtoqlarga nisbatan yaxshi fikr uyg'otish, chunki 1-sinf o'quvchisining maktab sharoitiga moslashtirish ancha murakkab ruhiy holatdir.
6. Boladan kundalik ish faoliyatidagi munosabatini kuzatib, so'rab borish. Bunday suhbatda yaxshi, juda yaxshi, marhamat, rahmat, baraka top kabi sehrli so'zlarni, nojo'ya harakat sodir bo'lgan bo'lsa, «chakki ish bo'libdi», «men kutmagan edim» kabilarni ishlatish.
7. Ota-ona maktabning yaqin yordamchisi bo'lishi, ko'makdoshi va o'z farzandining kamoli bilan yashashi kabilardir.
Bundan tashqari , o’z navbatida farzandi haqida o’z mulohazalari, kuzatishlari yuzasidan sinf rahbariga quyidagi mazmunda ma’lum axborotlar berib borishi mumkin:
- Farzandi uyga berilgan vazifalarni qanday bajaradi, unga sarflaydigan vaqti, dars tayyorlash tartibi, mustaqillik darajasi.
- Belgilangan kun tartibining bola tomonidan bajarilishi.
- O’quvchining maktab haqidagi hikoyalari, taassurotlari, gaplari, sinf hayotidagi turli voqealarga baholari.
- Ota-onaning ayrim o’qituvchilardan, sinf rahbaridan, maktab rahbarlaridan iltimoslari va takliflari.
Sinf rahbari bilan oila o’rtasidagi bu xildagi o’zaro xabarlashuvlar o’quvchini to’la o’rganishga, ta’lim va tarbiyada shu o’quvchi uchun eng maqbul tarbiya va ta’sir vositasini topishga yordam beradi. Sinf rahbari o’z kuzatishlari, oiladan olgan axborotlari natijasini kundalikka yozib borsa, undagi to’plangan ma’lumotlarni vaqti-vaqtida o’rganish bilan shularga asoslanib tegishli xulosalar chiqarsa, bola xulqini va fazilatlarini yaxshilash yo’llari, keyingi rejalarni belgilasa, erishilgan darajani hisobga olib yangi pedagogik talablar qo’yib bo’lsa, tarbiya albatta samarali natija beradi.