Maks Planka jamiyatida 13000 xodim ishlaydi, undan 5000 tasi olimlar bo‘lib, jamiyatning yillik byudjeti 1,4 mlrdni tashkil etadi. Gelmgols jamiyatida 26,5 ming xodim ishlaydi, undan 8000 tasi olimlar bo‘lib, jamiyatning yillik byudjeti 2,35 mlrdni tashkil etadi. Fraungofer jamiyatida 26,5 ming xodim ishlaydi, jamiyatning yillik byudjeti 1,2 mlrdni tashkil etadi. Leybnis jamiyatida 13,7 ming xodim ishlaydi, jamiyatning yillik byudjeti 1,1 mlrdni tashkil etadi.
Universitetlar bir yilda ilmiy tadqiqotlarga 9,2 mlrd yevro sarflaydi. Yirik nemis va chet el kompaniyalari Germaniya hududidagi tadqiqot markazlarini moliyaviy qo‘llab-quvvatlaydi.
Germaniya universitetlari talabalari o‘rganadigan fanlar va dars jadvalini o‘zlari tanlaydilar, ya’ni har bir semestr uchun mustaqil dastur tuzadilar. O‘quv yili 15 oktyabrdan boshlanib, 2ta semestrdan iborat. Har bir semestr oxirida talaba o‘zi qatnashgan maxsus kurs va ma’ruzalarning maxsus sertifikatini yig‘adi, sertifikatlarning kerakli sonini to‘plagach, imtihon topshirishga ruxsat so‘raydi.
Oliy o‘quv yurtlarining ikkinchi tipi – maxsus oliy maktablarda o‘qish tizimli tashkil etilgan. Bunda talabalar aniq o‘quv rejasi va imtihonlar jadvaliga amal qiladilar, shu tariqa oliy ta’limni 4 yilda tugatishlari mumkin.
Germaniyada oliy ta’lim tizimi
Germaniyada ijtimoiy imtiyoz tizimi rivojlangan, ko‘pgina shaharlardagi talabalar uchun jamoat transporti tekin. Shuningdek, teatr, muzey, kinoteatr va boshqa yerlarga borib aylanish uchun chegirmalar mavjud.
Tayyorlov kollejlarida, universitetdagi kabi tekin o‘qitiladi. “Abitur” diplomi aks etgan ta’lim standartiga ko‘ra universitetga odatda imtihonsiz kiradi.
universitetlar va institutlar;
maxsus OO‘Yulari;
pedagogik va texnologik OO‘Yulari;
boshqaruv va san’at oliy maktablari;
kasbiy oliy maktablar (akademiya).
Ta’lim bosqichlari: Asosiy ta’lim – 4 yil. (pedagogik ta’lim bundan mustasno – 3 yil). Amaliyot – 18 oy. Imtihon topshirish va diplom olish14.
Germaniyada nemis va chet ellik talabalar o‘rtasida nafaqat universitetlar, balki maxsus oliy o‘quv yurtlariga kirishni hohlovchilar ham ko‘p. Bu maxsus oliy o‘quv yurtlarida 22000 chet ellik talabalar tahsil oladilar. Maxsus OO‘Yu (Fachhocschulen)larida o‘qish qisqartirilgan va amaliy vazifalarga yo‘naltirilgan. Bunday OO‘Yularida muhandislik ishi, iqtisodiyot va menejment, qishloq xo‘jaligi, kompyuter mutaxassisligi bo‘yicha yuqori bilimlar olish mumkin.
Universitetlardan farqli holda maxsus OO‘Yu doktorlik darajasini berish huquqiga ega emas. Bu ta’lim muassasasini bitirgach, Diplomgrad (2-bosqich) beriladi va bu akademik daraja hisoblanadi.
Kasbiy akademiyalar (Berufsakademien) ma’lum fanlar bo‘yicha III bosqich ta’limini beradi. Bu yerda ta’lim ishlab chiqarish muassasalarida amaliy tayyorgarlik bilan birga olib boriladi.
Do'stlaringiz bilan baham: |