O`zbekiston respublikasi oliy va o`rta maxsus ta’lim vazirligi nizomiy nomidagi toshkent davlat pedagogika universiteti

Janubiy Koreyada maktab tizimi: o‘rta va yuqori maktablar

Koreys tilida o‘rta maktab “chunxakyo” deb nomlanadi va “o‘rta maktab” ma’nosini beradi. O‘rta maktabda ta’lim majburiy, bepul va 3 yil o‘qitiladi. O‘rta maktabga 11 yoshdan oshgan, 12 yoshdagilar qabul qilinadi¹⁶.

Boshlang‘ich maktabga nisbatan o‘rta maktabda o‘quvchilarga ancha yuqori talablar qo‘yiladi. Sinf rahbarlari – xangыllar o‘quvchilar hayotida muhim o‘ringa ega, o‘quvchilar ularni qattiq xurmat qilishadi.
O‘rta maktabda bir kunda 6 ta fan o‘qitiladi, shuningdek, alohida maxsus 7-dars ham bor. O‘quv dasturining negizini quyidagi fanlar tashkil etadi:

• 
  Matematika;
  
• 
  Koreys va ingliz tili;
  
• 
  Qator aniq fanlar;
  

“Qo‘shimcha” fanlar quyidagilardan iborat:

• 
  San’at sohalar;
  
• 
  Jismoniy tarbiya;
  
• 
  Tarix;
  
• 
  Xancha (xitoy peroglifi);
  
• 
  Etika;
  
• 
  Uy iqtisodini yuritish;
  
• 
  Kompyuter savodxonligi.
  

Mashg‘ulotlar 45 daqiqa davom etadi. Boshlang‘ich sinfdagi 9 ta fanga, o‘rta maktabda yana 4 ta fan qo‘shilib, jami 13 ta fan o‘qitiladi. Maktabda chet tillariga e’tibor kuchli. Ko‘pchilik ingliz tilida bemalol gaplasha oladi.
Chet tilini o‘qitishga haftasiga 4-5 soat ajratilgan. O‘qish o‘rta maktabda bir yilda 1222 soatni tashkil etadi. Koreyalik o‘quvchilar ingliz tilidan tashqari klassik xitoy tilini majburiy ravishda o‘rganadilar. 5-sinfdan boshlab, Xitoy tarixi o‘rgatiladi. Boshlang‘ich maktabdagi kabi o‘rta maktabda ham o‘quvchi sinfdan-sinfga imtihonsiz o‘tadi. Ma’lum fanlar uchun imtihonlarning standart shakllari mavjud, fan o‘qituvchilar tavsiya qilingan o‘quv qo‘llanma va darsliklardan foydalanadilar. O‘rta maktabning ko‘plab o‘quvchilari darsdan keyin qo‘shimcha kurslar “xagvonlar”ga boradilar, yoki xususiy repetitorlarga qatnaydilar. Alohida e’tibor ingliz tili va matematikaga qaratilgan. Ba’zi xavgonlar bitta fanga asoslanadi, ba’zilari barcha asosiy fanlarni qamrab oladi. Bu o‘z navbatida maktab mashg‘ulotlarining yanada qiyin bo‘lgan ikkinchi qismiga aylanadi.
Undan tashqari juda irodali o‘quvchilar kurash turlari va musiqa maktablariga qatnashadilar. O‘quvchilar shu tariqa darsdan keyin uylariga juda kech qaytadilar.