O`zbekiston respublikasi oliy va o`rta maxsus ta’lim vazirligi nizomiy nomidagi toshkent davlat pedagogika universiteti

Glossariy

Akademiya- afsonaviy qaxramon Akadem nomi bilan bog‘liq, ilmiy, o‘quv va badiiy xususiyatga ega bo‘lgan oliy ta’lim muassasasi.
Bilim — borliqni bilish jarayonining amaliyotda tasdiqlangan natijasi.
Ilmiy bilim — tizimli, asosli va narsa, hodisalar mohiyatiga chuqur kirib boradigan bo‘ladi. U empirik va nazariy darajada bo‘ladi
Innovatsiya - lotincha so‘z bo‘lib, “yangilik kiritaman” ma’nosini bildiradi.
Institut - lotincha so‘z bo‘lib, “mahkama”, “idora” ma’nosini bildiradi, oliy ma’lumot beruvchi muassasa.
Interfaol - inglizcha so‘z bo‘lib, “o‘zaro ta’sir” ma’nosini bildiradi. Biror faoliyat yoki muammoni o‘zaro muloqatda, o‘zaro bahs-munozara usulida, fikrlashishida hamjihatlik bilan hal etish ma’nosini anglatadi.
Interfaol mashg‘ulot — o‘qituvchi va o‘quvchilar o‘zaro faol ishtirok etadigan mashg‘ulot; jarayon hamkorlikda kechadi.
Kollej - fransuzcha so‘z bo‘lib, Fransiya, Belgiya, Shveysariya va b. davlatlarda o‘rta maxsus ma’lumot beradigan va kasb-hunarga ixtisoslashtirilgan ta’lim muassasasi.
Ko‘nikma — ongli faoliyat (harakat)ni tez, tejamli, to‘g‘ri, kam jismoniy va asabiy kuch sarflagan holda, bajarish. Shaxsning bilimlarm asosida tarkib topadi. Dastlabki shakllanish bosqichlarida bunday harakatlar jiddiy diqqat bilan bajariladi, keyingi bosqichlarda diqqat bilan nazorat qilish kamayib boradgan va natijada avtomatlashgan harakatga aylanadi.
Litsey - yunoncha so‘z bo‘lib, Afina yaqinida Appollon Likey ibodatxonasi atrofidagi daraxtzor nomi, bir qator davlatlarda o‘rta maxsus ta’lim muassasasi.
Malaka — shaxsning ma’lum kasbga yaroqlilik, tayyorlik darajasi, shu kasbda ishlay olishi uchun zarur bilim, ko‘nikmalari yig‘indisi. Kasbiy axborotlarning tez ko‘payib borayotgani ilgari o‘zlashtirilgan malakaning yetishmasligini keltirib chiqaradi. Bu yetishmaslikni qayta tayyorlash va malaka oshirirish orqali to‘ldiriladi. Bu jarayon uzluksiz davom etgandagina malaka ortib borishi orqali kasbiy faoliyatni hozirgi talablar darajasida davom ettirish imkoniyati hosil bo‘ladi.