O‘zbekiston Respublikasi Oliy va o‘rta maxsus ta’lim vazirligi Nizomiy nomidagi Toshkent davlat pedagogika universiteti Maxsus sirtqi bo‘lim

Nazorat ishi topshiriqlarining asosiy maqsadi: Bo‘lajak mutaxassislarda O‘zbekiston tarixining XVI-XX asr boshlari davri tarixi bo‘yicha ilmiy xulosalar chiqarish, o‘sha davrga tegishli tarixiy jarayonlarni qiyosiy o‘rganish va tahliliy xulosalar chiqara olish ko‘nikmalarini shakllanitirish hamda yoshlarga ushbiy ma’lumotlarni yetkazib bera olish bo‘yicha malakalarini oshirishni ko‘zda tutadi.

Nazariy ma’lumotlar.

Talabalar ongida Jahon tarixi, O‘zbekiston tarixi, Tarix o‘qitish metodikasi hamda mutaxassislik va maxsus fanlar bo‘yicha olgan bilimlarining yaxlit mujassamlashgan modelini shakllantirish, ularni chuqurlashtirish amalda sinab ko‘rish maqsadida «Jahon tarixi» fani bo‘yicha sessiya oralig‘i nazorat ishi topshiriqlari taqdim etiladi. Talabalarning “O‘zbekiston tarixi” fanidan olgan nazariy bilimlarini amalda qo‘llash va sinash, ularni kelgusi o‘qituvchilik faoliyatida kerak bo‘lgan asosiy rejalashtiruvchi (o‘quv – meyoriy) hujjatlar mazmuni bilan tanishtirish, ularni ishlab chiqish bo‘yicha bilim, amaliy ko‘nikma va malakalar bilan qurollantirish mazkur tayyorlangan sessiya oralig‘i nazorat ishi topshiriqlari to‘plamida o‘z aksini topgan. Talabalar “O‘zbekiston tarixi” fanidan sessiya oralig‘i nazorat ishi topshiriqlarini bajarish jarayonida quyidagi hujjatlar bilan tanishib, ularni o‘rganib chiqishadi ayrimlarini o‘zlari tuzishni o‘rganishadi.

O‘quv rejasi. Ta’lim yo‘nalishining o‘quv rejasi tegishli mutaxassislik kafedralari tomonidan ishlab chiqiladi va u o‘quv jarayoni grafigi va o‘quv jarayoni rejasini o‘z ichiga oladi.