O‗zbekiston respublikasi oliy va o‗rta maxsus ta‘lim vazirligi namangan davlat universiteti ijtimoiy-iqtisodiy fakul‘teti

 Agassi  Jozeff  (1927)  –  isroillik  faylasuf  va  fan  tarixchisi, 
postpozitivistik  fan  tarixining  etakchi  namoyandalaridan  biri,  K.Popperning 
shogirdi,  shu  jihatdan  o‗z  falsafiy  qarashlari  tanqidiy  ratsionalizmga 
yaqinroq.  Tell–Aviv  universitetining  professori,  ayni  paytda  AQSH  va 
Kanada  universitetlarida  ham  dars  beradi,  ilmiy  tadqiqotlarda  ishtirok  etadi. 
A.sining  falsafadagi  nuqtai  nazarlarida  antropologizm  va  mantiqiy–
metodologik dalillashdan tortib, diniy asoslashgacha bo‗lgan keng qamrovli 
metodologik yondashuvni kuzatish mumkin. A. fan metodologiyasiga muhim 
tarixiy–madaniy  nuqtai  nazardan  yondashadi.  U  poppercha,  fan  bilan 
metafizika  orasidagi  chegaralarni  aniqlashtirish  nuqtai  nazarini  rivojlantirib, 
fan  bilan  texnologiya  orasidagi  chegarani  ham  aniqlab  olish  vazifasini 
qo‗yadi.  
 Aglomeratsiya — talay sanoat korxonalari joylashgan bir qancha bir-
biriga  tutash  aholi  punktlarini  qamrab  olgan  va  shu  tufayli  iqtisodiy, 
ekologik,  ijtimoiy  va  boshqa  manfaatlar  uyg‗unlashib  ketgan  hudud. 

---

 
7 
Aglomeratsiyadagi  ma‘muriy-hududiy  birliklar  o‗z  mustaqilligini  saqlab 
qoladi, lekin ularning organlari umumiy muammolarni hal etishda hamkorlik 
qilishlari  kerak  bo‗ladi.  A.  bitta  katta  shahar  va  uni  o‗rab  olgan  nisbatan 
kichik shaharlar hamda shaharchalardan iborat bo‗lishi mumkin. Biroq A. bir 
necha  katta  va  o‗zaro  tutash  mustaqil  shaharlardan  ham  iborat  bo‗lishi 
mumkin  (masalan,  Germaniyadagi  Rur  Aglomeratsiyasi).  A.  -  avvalo 
iqtisodiy  (va  muayyan  darajada  ijtimoiy)  kategoriya.  Lekin  unga  davlat-
huquqiy  nuqtai  nazaridan  ham  qarash  mumkin.  Masalan,  katta  shahar 
organlarining  A.  butun  hududi  bo‗yicha  muayyan  muvofiqlashtiruvchi 
vazifalarni  bajarishi  (xususan,  poytaxt  shaharlarning  ma‘murlari  hamisha 
poytaxt  atrofidagi  shaharlar  rivojlantirilishiga  ta‘sir  ko‗rsatishga  harakat 
qiladilar),  ularning  tutash  hududlar  ma‘murlari  bilan  birgalikda  ish  olib 
borishi, A. muammolari bo‗yicha umumiy organning tuzilishi va uning A. da 
mavjud  bo‗lgan  ma‘muriy-hududiy  birliklarning  organlari  bilan  o‗zaro 
hamkorlik qilishi shular jumlasidandir.