O‗zbekiston respublikasi oliy va o‗rta maxsus ta‘lim vazirligi namangan davlat universiteti ijtimoiy-iqtisodiy fakul‘teti

Turmush  tarzi  —  ijtimoiy  guruhlar,  elat,  xalq,  millatlarning  kundalik 
hayotini  ifodalovchi  tushuncha.  T.t.  turli  jihatlar  fal-iy,  sotsiologik,  ijtimoiy-
iqtisodiy, ijtimoiy-ruhiy va b. yo‗nalishlarni o‗z ichiga oladi. Turmush ijtimoiy 
hodisa  sifatida  inson  hayotining  ob‘ektiv  shart-sharoitlari  hamda  hayotiy 

---

 
181 
faoliyat  shakllari,  ongi  va  xulqining  dialektik  birligini  taqozo  etadi.  SHaxs, 
ijtimoiy  guruh  T.t.  mavjud  bo‗lgan  ijtimoiy-iqtisodiy  davrdagi  shart-
sharoitlarning  butun  majmuasi  b-n  belgilanadi,  binobarin,  T.t.  odamlarning, 
ijtimoiy-etnik  birliklarning  muayyan  ijtimoiy,  iqtisodiy,  madaniy  sharoitlarda 
shakllangan  hayotiy  faoliyat  uslubi  bo‗lib,  ularning  kun  kechirish  muomalasi, 
xulq-atvori va tafakkur tarzida namoyon bo‗ladi. T.t. ijtimoiy kategoriya bo‗lib, 
turmush  darajasi,  deb  ataladigan  iqtisodiy  kategoriyaga  nisbatan  kengdir. 
―Turmush  darajasi‖  asosan  miqdor  ko‗rsatgichiga  ega.  T.t.ning  mohiyati, 
mazmuni  va  namoyon  bo‗lish  shakllari  ko‗p  holatda  kishilarning  hayot 
kechirishi,  mehnati,  sog‗ligi  va  hatto  xulq-atvori  b-n  ifodalanadi.  Ma‘lumki, 
ijtimoiy turmush, shahar va qishloq turmushi, oilaviy va individual turmush bir-
biridan farq qilinadi. o‗zbek xalqida insonlarning kundalik amaliyot ishlaridagi 
eng  zarur  axloqiy  munosabatlarga,  kamtarlik,  izzat-hurmat,  jasurlik,  to‗g‗rilik, 
sofdillik  kabi  qoidalarga  alohida  e‘tibor  bergan.  o‗zbek  xalqidagi  bunday 
fazilatlar  milliy  odat-an‘analarda,  hayot  tarzida  va  millatlararo  muomala 
munosabatlarida  aks  etgan.  o‗zbek  milliy  T.  t.ning  nisbatan  barqaror  holatida 
quyidagi shakl va tarkibiy qismlarni ajratib ko‗rsatish mumkin: 1) milliy hudud, 
madaniy  yashash  sharoitlari,  iqtisodiy  asos  va  ijtimoiy  rivojlanish  b-n  bog‗liq 
hodisalar, 
2) 
millatning  tabiiy 
betakrorligi,  o‗ziga  xosligi,  tarixiy 
o‗zgaruvchanligi  va  ijtimoiy  rang-barangligi;  3)  millat  tarixi,  o‗tmishi;  4)  urf-
odatlar, an‘analar, marosimlar, yashash tarzi, ma‘naviy merosi va boshqalardagi 
milliylik, ular b-n bog‗liq o‗ziga xos xususiyatlar; 5) milliy til, milliy madaniyat 
va  ma‘naviy  tuyg‗ular  va  g‗oyalar  hamda  milliy  mafkuralar.  o‗zbek  xalqi  T. 
t.dagi asosiy xususiyatlardan biri SHarq xalqlariga xos bo‗lgan ruhiy-psixologik 
hayot  tarzidir.  Xalqimiz  hayotida  odob-axloq  me‘yorlari  asosidagi  rasm-
rusumlar, an‘analar va odatlarning ahamiyati beqiyosdir. Inson jamoada tug‗ilib, 
o‗sib, kamolga etar ekan, uning tavallud topgan davridagi rasm-rusumlari, irim- 
sirimlari,  to‗y-tomoshalari,  o‗smirlik  davri  urf-odatlari,  bayramlari,  hashar, 
ko‗mak  yumushlari,  dafn  va  ta‘ziya  marosimlari,  xullas,  hayotining  barcha 
yaxshi-yomon  kunlaridagi  turfa  eskirmas  qoidalari  jamoaning  faol  ishtirokida 
o‗tgan.  Xalqimiz  azaldan  jamoa  bo‗lib  yashab,  qo‗ni-qo‗shnichilik  udumiga 
qat‘iy  rioya  qilgan.  Oilada  tug‗ilgan  har  bir  go‗dakka  yaxshi  niyat  b-n  ism 
qo‗yilgan  va  savodini  chiqarish  uchun  ustoz-muallim  qo‗liga  topshirilgan. 
Farzandlarni  hunarli  va  uy  joyli  qilish,  ota-onalar  hayot  faoliyatining  eng 
muhim  vazifasiga  aylangan.  Kundalik  yurish-turish  salom-alikdan  tortib, 
insoniylikning  barcha  tamoyillari  jamoa  nazarida  bo‗lgan.  Muayyan  xalq,  elat 
va  millatning  T.  t.  ularning  yashash  joylari  b-n  bog‗liq  holda  shakllanib, 
taraqqiy qilgan.