O’zbekiston respublikasi oliy va o’rta maxsus ta’lim vazirligi navoiy davlat pedagogika instituti magistratura bo’limi kurs ishi mavzu: Informatika fanidan mustaqil ishlarni tashkil etish va o’tkazish metodikasi Bajardi

Zamonaviy o’qitish metodlari va ularning informatika faniga tadbiqi
Maqsadi:  Pedagogik texnika va uning asosiy tamoyillarini blish. O’quv materialiga qiziqishni oshirishning ayrim usullari bilan tanishish va ularni darsda qo’llay olish.
Asosiy tushunchalar: Pedagogik texnika, pedagogik texnika tamoyillari.
Arqonni hamma biladi. U oddiy narsa, shunday emasmi? Arqonga tugun tushirishni ham bilasiz. Endi bir qancha arqon bo’laklarini o’zaro bog’lab to’r hosil qilamiz. To’r yordamida baliq tutish, dam olish uchun “osma yotoq” yasash, hullas juda ko’p foydali narsalar o’ylab topish mumkin. Muhimi har bir arqon bo’lagi o’z holicha alohida emas, balki bir-biri bilan bog’lanib birlashganda ko’proq foyda keltirishini tushunishda.
Pedagogik texnika usullari – to’r. Uning bo’laklari bir-birini ushlab turadi, bir-biriga tayanadi, birlashib bir butunlikni – tizimni tashkil etadi.
Endi pedagogik texnikaning asosiy tamoyillari bilan tanishamiz. Ular beshta. Bu ko’p emas. Lekin har biri turli tuman usullаr yordamida amalga oshiriladi.
Tanlash erkinligi tamoyili
Hayotda juda ko’p qadriyatlar mavjud. Biz ularning ba’zilariga e’tibor bermaymiz, ba’zilarini yoqtirmaymiz, bazilariga rioya qilamiz va xakazo. Lekin ular ichida shunday bittasi borki, u har bir barkamol inson uchun muhim – bu erkinlik. Xech birimiz o’zgalarning taziyqi ostida xarakat qilishni, birovlarning fikriga qarab yo’l tutishni, tanlash imkoni yo’qligini yoqtirmaymiz. Buni ayniqsa bolalar yoqtirishmaydi.
Tavsif: Mumkin bo’lgan barcha sharoitda, ixtiyoriy o’qitish yoki boshqarish xarakatlarida talabaga tanlash xuquqini berish. Ammo bitta muhim sharti bilan – tanlash xuquqi har doim o’z tanloviga masuliyatni ongli his qilishni talab etishi lozim.
Ochiqlik tamoyili.
“Men shuni bilamanki, hech narsani bilmayman” – degan edi qadimgi grek mutafakkiri.
Maktabni muvaffaqiyatli bitirgan talabadan “Men kimyo, matematika va fizikani yahshi bilaman” – degan gapni eshitish mumkin. Afsus. Afsus, bu talaba nimani bilmasligini bilmaydi. Hozirgi kunda maktab talabasi o’z bilim doirasini aniq tasavvur eta olmaydi, fanlarning o’rganish chegarasini umuman tasavvur qila olmaydi. Bu holda qayerdan ham qiziqish bo’lardi. Qiziqishsiz har qanday ta’lim faqatgina ijrochilarni tarbiyalash bo’lib qoladi xolos.
Tavsif: faqat bilim berish emas, balki uning chegaralarini ko’rsatish lozim. Talabaga shunday muammolar qo’yish kerak-ki, ularning yechimlari o’rganilayotgan mavzu doirasidan tashqarida bo’lsin.
Talabaga yechimi ma’lum algoritm asosida topiladigan, aniq shartlarga va yagona to’g’ri yechimga ega “yopiq” masalalar emas, ularni xayotga tayyorlovchi “ochiq” masalalar berish lozim.