О‘zbekiston respublikasi oliy va о‘rta maxsus ta’lim vazirligi navoiy davlat konchilik instituti

Kompyuterlarning asosiy texnik parametrlariga unumdorlik, operativ xotira sig‘imi, informatsiyani kiritish-chiqarish tizimining o‘tkazuvchanlik qobiliyati, ishini bajarish ishonchliligi kiradi.
Unumdorlik (takt chastota) – kompyuterning vaqt birligi ichida (bir sekundda) bajaradigan operasiyalar soni bilan o‘lchanadi. Kompyuter unumdorligi ishlanayotgan informatsiyalar xususiyatlaridan (ishlov berilayotgan so‘zlar razryadligi, sonlarning taqdim qilinayotgan shakli – suzuvchi yoki muayyan belgilangan nuqtali, bajarilayotgan dasturlarning umumiy oqimida turli operasiyalarning qaytalanish chastotasi va boshqalar) ham bog‘liq bo’ladi.
Operativ xotira sig‘imi kompyuterning katta hajmdagi informatsiyalarga ishlov bera olis, murakkab dasturlarni bajara olish imkoniyatini aniqlaydi. Operativ xotira sig‘imi bitlarda, baytlarda, kilobaytlarda, megabaytlarda (1 Kbayt =1024 bayt, 1 Mbayt = 1024 Kbayt, 1 Gbayt = 1024 Mbayt) va sh.k.larda ifodalanadi.
Kiritish-chiqarish tizimining o‘tkazuvchanlik qobiliyati kompyuterning turli periferiya qurilmalari yoki boshqa kompyuterlar bilan informatsiya almashishish imkoniyatini aniqlaydi. U vaqt birligi ichida (bir sekundda) kiritish-chiqarish tizimi orqali uzatilgan informatsiya birligining maksimal miqdori (baytlar, kilobaytlar, megabaytlar) bilan o‘lchanadi.
Kompyuter ishlashining ishonchliligi ehtimollik tavsifiga ega bo‘lgan bir qator ko‘rsatkichlar bilan baholanadi: berilgan vaqt oralig‘ida () da kompyuterning to‘xtamasdan (buzilmasdan) ishlashi ehtimoli P(); to‘xtaguncha (buzilguncha) ishlashi – buzilmasdan ishlashining o‘rtacha vaqti T_b; kompyuter ish qobiliyatini qayta tiklash o‘rtacha vaqti T_v; tayyorlik koeffitsienti K_g=T_b/(T_b+T_v) va h.k.


Loyihalashni avtomatlashtirish kompyuterlarining apparat vositalari
Kompyuter texnik parametrlariga uning deyarli hamma apparat vositalari ta’sir qiladi. Kompyuterning apparat vositalari ikki guruhga: markaziy va periferiyali qurilmalarga bo‘linadi.