Oʻzbekiston respublikasi oliy va o‘rta maxsus ta’lim vazirligi navoiy davlat

Xotiradagi hujjatni o‘qish. Xotirada saqlangan hujjatni ekranga chiqarish uchun File (fayl) menyusining Open (Otkrыt-ochish) buyrug‘idan foydalanamiz. File (fayl) menyusining Recent Publications (Poslednie publikatsii-oxirgi nashrlar) buyrug‘i yordamida xotiradagi oxirgi 8ta nashrdan birortasini ochishimiz mumkin. Hujjat bilan ishlashni tugatgandan so‘ng uni yopish uchun File menyusining Close (Zakrыt-yopish) buyrug‘idan foydalanamiz.
Hujjat bo‘ylab surilish. Page Maker dasturida hujjat sahifalari bo‘ylab surilishning uch xil usuli bor. Kerakli sahifa nomerini ko‘rsatib o‘tish uchun Goto Page (Sahifaga o‘tish) buyrug‘idan foydalanamiz. Ekranda paydo bo‘lgan muloqot oynasida kerakli sahifa nomeri kiritiladi. Shablon-sahifaga o‘tish uchun esa Layout (maket) menyusining Goto Page (Sahifaga o‘tish) buyrug‘ini tanlash yoki Ctrl-/ klavishlarini bosish mumkin. Hujjat sahifalarini ketma-ket ko‘rish uchun Goto Page (Sahifaga o‘tish) buyrug‘ini tanlash vaqtida Shift tugmasini bosib turish kerak. Page Maker ketma-ket 1-sahifadan boshlab hujjat sahifalarini ko‘rsata boshlaydi. Ko‘rsatishni to‘xtatish uchun sichqoncha tugmasini bosish kifoya.
Keyingi sahifaga o‘tishning eng sodda usuli F12 tugmasini bosishdir. F11 bosilsa, bitta avvalgi sahifaga qaytamiz. Agar ko‘proq sichqonchani ishlatish ma’qul ko‘rilsa, hujjat sahifalari bo‘ylab surilishning yana bir usuli bor. Hujjat oynasining chap tomondagi quyi burchagida sahifa ko‘rinishidagi piktogrammalar joylashgan. Chap tomondagi piktogrammalar shablon-sahifalarga mos keladi. O‘ngroqdagi piktogrammalar esa hujjat sahifalariga mos keladi.
Sahifani akslantirish masshtabini o‘zgartirish.


Hujjat sahifalarini bildiruvchi piktogrammalar
Kompyuter ekranida sahifa ko‘rinishini kattalashtirish uchun menyu buyruqlaridan, klaviaturadan va sichqonchadan foydalanish mumkin.
Menyuning Layout (maket) punktidagi View (ko‘rish) punktining qism menyusini ochiladi va kerakli o‘lchovni tanlanadi. Agar tanlash vaqtida Alt tugmasini bosib turilsa, tanlangan masshtab o‘lchovi hujjatning hamma sahifalari uchun o‘rinli bo‘ladi. Masshtabni o‘zgartirishning eng qulay usullaridan biri sichqoncha yordamida o‘zgartirishdir. Sichqoncha o‘ng tugmasi bir marta bosilsa, sahifa tabiiy ko‘rinishda (100%) akslanadi (v naturalnuyu velichinu). Agar Shift bilan birga o‘ng tugma bosilsa, 200% li akslantirish o‘rnatiladi. Agar ekranda kattalashtirilgan rejim o‘rnatilgan bo‘lsa, o‘ng tugmani bosib Fil in Window (to‘liq sahifa) rejimiga o‘tiladi. Agar Ctrl-probel tugmalari birgalikda bosilsa, sichqoncha ko‘rsatkichi o‘rtasida «-» belgili lupa ko‘rinishini oladi. Lupali ko‘rsatkich bilan sichqoncha tugmasi har gal bosilganda akslantirish masshtabi kattalashaveradi. Kichiklashtirib ko‘rsatish uchun esa Alt-Ctrl-probel tugmalari birgalikda bosiladi. Bu holda sichqoncha ko‘rsatkichi «-» belgili lupa ko‘rinishiga o‘tadi.
Sahifaning qandaydir bir bo‘lagini kattalashtirish uchun uni kattalashtirish ramkasiga joylashtirish kerak. Buning uchun sichqonchaning «-» li lupa ko‘rsatkichini ajratiladigan tekst qismida diagonal bo‘yicha yo‘naltirish kerak. Sichqoncha tugmasini qo‘yib yuborsak, ramka ichidagi tekst kattalashadi. Shu usulda 800% gacha kattalashtirish mumkin.
Asboblar panelidagi «Lupa» dan ham foydalanish mumkin. «Lupa» da sichqoncha tugmasi ikki marta bosilsa, sahifani 100% li masshtabda akslantirish rejimi o‘rnatiladi. Agar shu vaqtda Alt tugmasini bosib tursak Fit in Window (To‘liq sahifa) ko‘rinishida akslantirish rejimi o‘rnatiladi.