Oʻzbekiston respublikasi oliy va o‘rta maxsus ta’lim vazirligi navoiy davlat

Yo‘naltiruvchi chiziqlar va koordinata lineykalarini akslantirish. Buning uchun Layout (Maket) menyusining Guides and Rulers (Napravlyayuhie i lineyka-Yo‘naltiruvchi chiziqlar va lineyka) buyrug‘ini tanlash kerak. Lineykadagi birliklar sistemasini File(fayl) menyusidagi Preferences (Ustanovki) buyrug‘i yordamida o‘rnatish mumkin.
Shablon-sahifalar. Page Maker 6.0 o‘z ichida bir nechta shablon-sahifalardan foydalanadi. Shablon-sahifalarda hujjatning hamma sahifalari uchun umumiy bo‘lgan elementlar oldindan o‘rnatilgan bo‘ladi. Shablon-sahifaga o‘tish uchun quyi chap burchakdagi shablon-sahifa piktogrammasida sichqoncha tugmasini bosish kerak.



Shablon-sahifaning ko‘rinishi
Yig‘ish (montaj) stolida hujjatlarni saqlash. Page Maker dasturidagi (montaj) yig‘ish stolini ko‘rish Layout (Maket) menyusidagi View (ko‘rish) punkti qism menyusining Entire Pasteboard (Montaj stoli) buyrug‘i yordamida bajariladi. Montaj stoli- Pasteboard dagi rasm, maqola, tekst qismlarini hujjatning turli sahifalarida ishlatish mumkin. Shuning uchun ham hujjatda qayta-qayta ishlatiladigan standart ob’ektlarni montaj stolida saqlash qulaydir.
Asboblar paneli (Toolbox).Asboblar panelini ekranga chiqarish uchun Window menyusining Toolbox buyrug‘ini ishga tushiramiz.

Asboblar panelining ko‘rinishi
Asboblar panelidagi biror asbobda sichqoncha tugmasini ikki marta bosilsa, avvalgi ishlatilayotgan asbob inkor qilinib, ekranda yangisiga tegishli muloqot oynasi ochiladi.
«Tekst» asbobi bilan ishlash. «Tekst» asbobi asboblar panelida joylashgan ko‘rinishidagi tugmachadir. Asboblar paneli ekranda ko‘rinmasa, uni ochish uchun Window(Oyna) menyusidagi Toolbox(Asboblar paneli) buyrug‘ini ishga tushirish kerak.
Tekstni formatlash – bu simvollarni va abzatslarni formatlashdir. Tekstni formatlash uchun avval formatlanadigan tekst qismini ajratish kerak.
Tekst qismini ajratish uchun, tekst bo‘ylab I-kursorni siljitib bitta simvoldan tortib tekstning hammasigacha ajratish mumkin.
Tekstni ajratishning yana bir usuli bor. Buning uchun «Tekst» asbobini tanlaymiz va ajratiladigan tekst qismining boshida sichqoncha tugmasini bosamiz, Shift tugmasini bosib turgan holda ajratilishi kerak bo‘lgan bo‘lakning oxirida ham sichqoncha tugmasini bosamiz. Kerakli tekst qismi ajralib qoladi. Shift tugmasini bosib turgan holda kursorni yo‘naltiruvchi tugmalardan birini bosib ham tekst qismini ajratish mumkin.
So‘zni ajratish uchun shu so‘z ustida «Tekst» asbobi bilan sichqoncha tugmasi ikki marta bosiladi.
Abzatsni ajratish uchun abzats ustida «Tekst» asbobi bilan sichqoncha tugmasi 3 marta bosiladi
Simvollar ketma-ketligini ajratish uchun sichqoncha ko‘rsatkichini belgilangan nuqtadan kerakli joygacha Shift tugmasini bosib turib suriladi.
Katta hajmdagi tekstni ajratish uchun Edit (Pravka-Tahrirlash) menyusining Select All (Vыdelit vse- Hammasini Ajratish) buyru`idan foydalanish mumkin. Ctrl-A tugmalar kombinatsiyasi esa shu operatsiyani tezroq bajaradi.