O`zbekiston respublikasi oliy va o’rta maxsus ta`lim vazirligi namangan davlat universiteti pedagogika fakulteti

Tushunarli bo’lish tamoyili
o’rganilayotgan materialning mazmuni, hajmi 
va o’qitish metodlari o’quvchilarning yoshiga, tayyorgarlik darajasiga mos 
bo’lishini talab etadi. O’qitishni tushunarli qilish degani uni oson qilish lozimligini 
bildirmaydi. O’qitishning tushunarliligi o’quvchi imkoniyatlarining eng yuqori 
chegarasi va uni asta-sekin oshirib borish bilan belgilanadi. Ta‘lim jarayonining 
borishida o’quvchilar oldiga qo’yiladigan o’quv va mehnat topshiriqlarini izchillik 
bilan murakkablashtirib borish o’quvchilarning aqliy imkoniyatlari va jismoniy 
kuchlarini rivojlantiradi. O’quv materialining mazmuni shunday tanlanishi va 
tuzilishi kerakki, o’quvchilar uni o’zlarining oldingi bilimlari bilan bog’lay 
oladigan va uni tushunishda qiynalishmasin.
Texnologiya ta’limida materialni tushunarli bo’lishi uchun amaliy 
mashg’ulotlar yetakchi rol o’ynaydi. Texnologiya ta’limida o’quvchilar barcha ish 
turlarini amaliy bajarish jarayonida tushunarli bo’lishu uchun politexnik bilim 
bilan qurollantirish kerak.