O`zbekiston respublikasi oliy va o’rta maxsus ta`lim vazirligi namangan davlat universiteti pedagogika fakulteti

Muntazamlilik va izchillik tamoyili
o’quv jarayonining hamma 
bo’g’inlarida amalga oshiriladi. Uning talablari darsliklar va dasturlarni tuzishda 
o’z aksini topadi. O’quv dasturida nazariy va amaliy mashg’ulotlarning bir-biriga 
uzviy bog’lanishi saqlanishi kerak. Har bir darsda o’quv maqsadini aniq belgilash 
va belgilangan maqsadga muvofiq keluvchi mazmunini tarkib toptirish lozim.
Mehnat haqida juda ko’plab ma‘lumotlarni o’quvchilar texnologiya ta’limida olib
ish turlari orqali oladilar. O’quvchilar ish turlari bilan muntazamlilik va izchillik 
tamoyili asosida muntazam, izchil bir-biri bilan uzilmagan holda, bir-birini 
to’ldirgan holda tanishib boradilar.
Maktab texnologiya kursi bu texnologiya fanining turli sohalarini 
qisqartirilgan bayoni emas, balki uning metodik tanlangan, muntazamlashtirilgan 
unsurlaridir. Materialni bunday berilishi shu bilan izohlanadiki, kichik yoshli 
maktab o’quvchilarining mehnat to’g’risidagi fan asoslarini faqat kishilar mehnati 
va hodisalarini aks ettiruvchi va ular o’rtasidagi bog’lanishlarni ochib beruvchi 
dastlab oddiy mehnat ob‘ektlar bilan, keyin esa murakkabrog’i bilan izchil 
tanishtirib borish jarayonida egallab olishlari mumkin. Bu bilan texnologiyani 
o’qitishda muntazamlilik printsipi amalga oshiriladi.
O’qitishning muntazamliligi, ya‘ni tizimliligi bilimni bayon qilishda 
muayyan sistemaga amal qilishdan tashqari amaliyot bilan bog’lanishning xilma-
xil shakllarini amalga oshirilishini, jumladan nazariy texnologiya bilimlarini, 
amaliyotlar, kuzatishlar va bilib olishga qaratilgan qiziqarli o’yinlar bilan; atrofdan 
hayot va qurilish amaliyoti (tabiatga va ishlab chiqarishga ekskursiyalar) bilan; 

---

mehnat ta‘limi va ijtimoiy-foydali mehnat bilan; maktab oldi uchastkasidagi ish va 
unumli mehnat bilan bog’lanishini nazarda tutadi. 
Texnologiya kurslarining izchilligi o’quvchilar uchun ularning yosh 
xususiyatlari, tayyorgarligi va rivojlanishi, shuningdek mazmunda vorislikka rioya 
qilish zaruratiga qarab o’quv materialining tushunarli bo’lishi bilan belgilanadi. 
Chunonchi:maktab texnologiya kursi qog’oz va karton bilan ishlash (1-2-3-4 
sinflar); applikatsiya va mozaika ishlari (1-2-3-4 sinflar), turli materiallar bilan 
ishlash (3-4sinf); texnik modellashtirish(4-sinf) materialni izchillik bilan 
o’rganishni talab qiladi. Texnologiya ta’limida ish turlari (5-9 sinf) larda ham 
izchillikda va uzviylikda muntazam davom ettirib boriladi.